Arutwo 99, arutani 4 hamwe na muruti umwe wa wira othe a cukuru ya Secondary wa Múrúkú wodi ini ya Salama gicigo ini Kia ubunge Kia Laikipia West, ni manyitikanite na murimu wa homa ya corona.
Kuringana na ofithaa munene wa ugima wa mwiri thiini wa County ya Laikipia Dr. Donald Moghoi, arutwo 264 nio mathimirwo muthenya wa Gataano na gatagati kaao anake 40 na airitu 59 makinyitikana mari na Corona.
Hari arutani 17 aria maathimirwo, 4 nio marwatite aria ni atumia 3 na mundurume umwe.
Muruti umwe wa wira wa mooko cukuru-ini iyo onake ari itari-ini ria aria manyitiitwo ni murimu ucio.
Dr. Moghoi augiite ati arutani oothe acio 4 mararigitirwo thibitari ini cia Ol jabet na Benedict Catholic Hospital mucii ini wa Nyahururu, riri nario arutwo aria arwaru maigitwo keheri cukuru-ini iyo, marigitaari maramaheera urigitani wa mwanya.
Dagitari Moghoi no ongereire kuuga mathoomo ni maraathii na mbere kuri arutwo aria matarari na ndariiri cia COVID -19.
arikiriirie na kuuga ati aingi a arutwo aria manyitikaniite na murimu ucio maambiriirie gukorora, guturwo ni kiongo na githuri ooro hamwe na kunogerera ciiga.