South Africa: Andu matanyihiire 45 riu ni makuite kuamana na ngahiiha iria cigumiire

Andu matanyihiire 45 riu ni makuite kuamana na ngahiiha iria cigumiire icigo imwe cia South Africa kuuma riria uria waari president wa hau kabere Jacob Zuma ohirwo njeera kiumia githiru.

Ikumi gatagati ka andu acio marakuire hwai hiingo ya murangano uria uronekire arurungani makiiya indo nduka-ini imwe tauni-ini iria nene muno ya bururi ucio ya Soweto.

Andu hakuhi 800 ni maikiitio ngono thiini wa ngahiiha iria ciambiriirie muthenya wa Kana ga kiumia githiru na cigitororia muthia-ini wa kiumia.

Mbiraru riu ni irikiitie gutumwo guteithriria borithi aria maroneka ta maremaniitwo na arruungani.

President Cyril Ramaphosa augiite ngahiiha icio cia thuutha makiria nicio imwe cia iria njuru muno kuoneka kuuma miaka-ini ya 1990s, mbere ya wathani wa muthutukanio wa raangi guthira.