Afisa wa zamani wa KRA kupoteza Mali ya shilingi milioni 278

Tume ya maadili na kupambana na ufisadi nchini (EACC), imewasilisha kesi mahakamani kutaka mali ya thamani ya shilingi  million 278 ya afisa wa zamani wa halmashauri ya ukusanyaji ushuru nchini -KRA kutwaliwa na serikali.

Tume hiyo inasema imekamilisha uchunguzi na kubaini kwamba kati ya mwezi Januari mwaka 2012 na Januari mwaka 2021, afisa huyo Jeremiah Kinyua alijipatia utajiri usioambatana na mapato yake.

Also Read
Kenya, Tanzania kuanzisha zoezi la pamoja la kuhesabu wanyamapori

Mnamo mwezi Oktoba mwaka 2021, mahakama ilitoa maagizo ya miezi sita, kuzuia uuzaji wa mali za afisa huyo zenye thamani ya shilingi  million 192 na pia gari lake lenye thamani ya million tano.

Also Read
Serikali yaharibu bidhaa ghushi zinazogharimu shilingi milioni 3.3 kaunti ya Garissa

Sasa tume ya EACC  inataka mali hizo ambazo thamani yake imeongezeka kurejeshwa kwa serikali.

Uchunguzi wa tume hiyo umebaini kwamba, Kinyua alipokea kiasi kikubwa cha pesa kupitia akaunti mbali mbali za Benki ambazo chanzo chake hakijabainika.

Also Read
Spika wa Bunge la Kaunti ya Migori na Naibu wake wakamatwa kwa madai ya ufisadi

Tume hiyo inashuku kwamba pesa hizo zilikuwa za rushwa iliyotolewa kwa Kinyua kuambatana na majukumu yake katika halmashauri ya KRA.

Siku ya Alhamisi, Jaji Esther Maina alitoa maagizo ya kumzuia Kinyua kustawisha  ama kuuza vipande vitano vya ardhi vya thamani ya shilling  million 69.

  

Latest posts

Wahasibu watakiwa kufichua ufisadi bila uwoga

Tom Mathinji

Waakilishi wa Kenya ,Prisons na KCB wasajili ushindi wa pili mashindano Afrika kwa Voliboli ya vidosho

Dismas Otuke

Wafanyikazi wa serikali ya kaunti ya Homa Bay wagoma wakidai kucheleweshwa kwa mishahara

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi