Ahly waibana Zamalek na kutwaa kombe la 9 ligi ya mabingwa Afrika

Kilabu ya Al Ahly ukipenda Red Devils ilinyakua kombe la ligi ya mabingwa barani Afrika kwa mara ya 9 Ijumaa usiku  katika  uwanja wa Cairo International baada ya kuwalemea Zamalek kwenye fainali iliyokuwa derby ya Cairo.

Mohammed Madgy Afsha aliwafungia Ahly bao la ushindi dakika nne kabla ya mechi kukamilika baada ya pambano hilo kuonekana kama lingeamuliwa katika muda wa ziada.

Kiungo Amr Soleya alifungua ukurasa kwa magoli katika mechi hiyo iliyokuwa ya kusisimua alipounganisha tobwe  la Ali Maloul katika dakika ya 6  na kuwaweka Ahly kifua mbele  na kuwafanya Ahly kutawala mechi kwa muda tokea  mwanzoni mwa mechi.

Also Read
Alila aitaka FKF kuitisha mkutano mkuu maalum (SGM) ili kumaliza marufuku ya FIFA

Hata hivyo kiungo mkongwe Shikabala alitumia tajriba yake na kufyatua kombora kali mithili ya fataki, akiunganisha pasi ya Achraf Bencharki na kumwacha kipa wa Ahly Mohammed El Shanawy akiduwaa asiwe na la kufanya na kipindi cha kwanza kukatika kwa sare ya 1-1.

Also Read
Gor Mahia waponzwa na kisomo 'haba' cha kocha Robertinho

Licha ya kujaribu kurejesha bao hilo ,muda uliwapa kisogo Zamalek  huku Ahly wakijihami zaidi baada ya kocha Pitso Mosimane kufanya mabadiliko ya kiufundi akiwaondoa washambulizi na viungo na kuwajumuisha mabeki na kushikilia uongozi huo hadi kipenga cha mwisho.

Idadi ndogo ya mashabiki waliohudhuria fainali hiyo walipata burudani ya kipee na kufurika uwanjani kushangilia ushindi wa Ahly ikiwa pia historia kwa maya kwanza ambapo fainali hiyo inashirikisha timu hizo za Misri.

Also Read
Mamelodi na Esperance watinga robo fainali ya ligi ya mabingwa Afrika

Mosimane pia aliingia kwenye madaftari ya kumbukumbu kwa kuishinda Zamalek kwa  mara ya pili katika fainali ya kombe hilo ,baada ya kuwashinda na kunyakua kombe  hilo kwa mara ya kwanza akiwa na Mamelodi Sundowns ya Afrika Kusini mwaka 2016.

Ahly ndio timu iliyoshinda kombe hilo mara nyingi ikiwa mara 9 na la kwanza tangu mwaka 2013 , huku vilabu kutokea Misri vikinyakua jumla ya vikombe 15 vya ligi ya mabingwa .

 

 

  

Latest posts

Boro wamtimua meneja Chris Wilder kwa matokeo duni

Dismas Otuke

Malkia Strikers warejea nyumbani kinyemela baada ya kubanduliwa mashindano ya dunia

Dismas Otuke

CAF yafungua maombi ya maandalizi ya fainali za AFCON mwaka 2025

Dismas Otuke

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi