ANC chapongeza Jubilee kwa kujiondoa kwenye uchaguzi mdogo wa Matungu

Chama cha Amani National Congress (ANC) kimesifu hatua ya kile cha Jubilee ya kutodhamini mgombea katika uchaguzi mdogo wa Eneo Bunge la Matungu.

Kwenye taarifa, chama hicho kimesema kuwa chama cha Jubilee kitamuunga mkono mgombea wa ANC Oscar Nabulindo katika uchaguzi huo.

“Chama cha Jubilee kimetangaza leo kwamba kimeamua kumuunga mkono mgombea wa ANC Peter Oscar Nabulindo katika uchaguzi mdogo wa tarehe nne mwezi Machi, 2021 katika Eneo Bunge la Matungu,” kimesema chama hicho.

Also Read
Kuahirisha chaguzi za Afrika kwafaa licha ya mizozo ya kikatiba asema Dkt Matsanga

Chama hicho cha ANC, chake Musalia Mudavadi, kimeahidi kuhamasisha wakazi wa eneo bunge hilo ili kumtafutia Nabulindo umaarufu katika uchaguzi huo mdogo.

Haya yanafuatia tangazo la chama cha Jubilee kwamba hakitadhamini wagombeaji katika chaguzi ndogo tatu za Eneo Bunge la Matungu, lile la Kabuchai na kiti cha Useneta wa Kaunti ya Machakos kufuatia vifo vya waliokuwa viongozi wa sehemu hizo.

Also Read
Naibu Rais William Ruto asema hababaishwi na miungano ya kisiasa inayobuniwa

Akitaarifu waandishi wa habari baada ya kikao cha mashauriano na viongozi wa chama hicho kwenye Bunge la Kitaifa na Seneti, Katibu Mkuu wa chama cha Jubilee Raphael Tuju amesema uamuzi huo unaambatana na moyo wa kuhimiza maridhiano wa kuruhusu vyama tanzu vya mseto wa NASA kudhamini wagombeaji kwenye chaguzi hizo mdogo.

Also Read
Chama cha Jubilee chawatimua maseneta sita, Millicent Omanga, Issac Mwaura miongoni mwao

Hata hivyo, Tuju amedokeza kuwa chama cha Jubilee kitakuwa na wagombeaji kwenye kinyang’anyiro cha Ugavana wa Nairobi.

 

  

Latest posts

Magoha: Serikali haitabatilisha agizo lake kuhusu utumiaji wa mabasi ya shule.

Tom Mathinji

Kenya yapokea zaidi ya dozi 400,000 za chanjo ya Astrazeneca kutoka Uingereza

Tom Mathinji

Kenya yanakili visa 1,259 vipya vya Covid-19

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi