Barabara moja Jijini Nairobi yapewa jina la Francis Atwoli

kaimu gavana wa Jiji Nairobi Ann Kananu, akiwa ameandamana na Waziri wa barabara Mohamed Dagane, siku ya Alhamisi walizindua barabara kwa jina Francis Atwoli katika mtaa wa Kileleshwa.

Barabara hiyo ambayo awali ilijulikana kama Dik Dik, ilipewa jina jipya Francis Atwoli baada ya mtetezi maarufu wa wafanyikazi.

Also Read
Kitendawili cha mgombea mwenza wa Azimio la Umoja, One Kenya

Akizungumza wakati wa uzinduzi wa barabara hiyo naibu Gavana wa Nairobi ambaye pia ni Kaimu gavana wa Nairobi  Ann Kananu, alisema jina hilo jipya ni kwa heshima ya mchango muhimu Atwoli wa kupigania haki ya wafanyikazi hapa nchini kwa muda wa miaka 54.

Also Read
Atwoli achaguliwa mwenyekiti wa hazina ya dunia ya uhamasishaji wafanyikazi

Atwoli alimshukuru naibu huyo Gavana na bunge la kaunti ya Nairobi kwa kuipa barabara hiyo jina lake.

Mwaka huu barabara ya Accra ilipewa jina jipya la Kenneth Matiba nayo barabara ya Eastleigh First Avenue ikapewa jina la Yusuf Hajji.

Also Read
Kalonzo amwandalia Rais Kenyatta chajio nyumbani kwake Karen

Mwaka 2016, barabara ya  Forest Road ilibadilishwa jina na kupewa Wangari Maathai huku Ile ya Cross Road ikipewa jina la  Charles Rubia.

  

Latest posts

Makuzi ya Lugha ya Kiswahili

Tom Mathinji

Serikali yaongeza kafyu ya kuto-toka nje usiku katika kaunti tatu za Rift Valley

Tom Mathinji

Karua asema Muungano wa Azimio utahakikisha uongozi bora

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi