CAF yakubali ombi la Gor na kuahirisha mechi ya ligi ya mabingwa hadi Jumamosi

Mabingwa wa Kenya Gor Mahia wamepata afueni, baada ya shirikisho la kandanda barani Afrika CAF kukubali ombi lao la kutaka mechi ya mkondo wa kwanza awamu ya pili ya mchujo kuwania ligi ya mabingwa  dhidi ya CR Belouizdad ya Algeria  kuahirishwa kutoka Jumatano hadi Jumamosi .

Caf ilikubali ombi la Gor kutokana na changamoto za usafiri walizokumbana nazo   kuelekea Algiers kwa mechio hiyo muhimu.

Also Read
Rais wa FIA afurahia matayarisho ya Safari Rally mwaka ujao

Gor sasa wanatakiwa kuwa Algeria kufikia Jumatano ili kujitayarisha kwa pambano hilo.

Awali vigogo hao walipaswa kuondoka nchini Jumapili usiku kuelekea Cairo ,safari ambayo ingewachukua saa tano kabla ya kupumzika na baadaye wangesafiri kwa kipindi cha saa tatu unusu hadi Tunis na kwa kuwa anga za Algeria zingali zimefungwa kwa ndege za usafiri wa abiria ili kuzuia msambao wa Covid 19 ,ingewalazimu green Amry kusafiri kwa treni kutoka Tunis hadi Algiers safari ya zaidi ya kilomita 800  kwa takriban saa 6.

Also Read
Gor wazamishwa na Otoho 0-1 mjini Brazaville

Pia safari ya Gor ilikumbwa na ukosefu wa tiketi za kutosha hatua ambayo usimamizi wa timu umekiri kurekebisha na timu hiyo inatazamiwa kuondoka nchini Jumanne kupitia Doha Qatar ambapo wameruhusiwa kutua Algiers na serikali ya nchi hiyo.

Kogalo pia imekumbwa na masaibu  chungu tele kuelekea  kwa ziara  hiyo  huku wachezaji wakisusia mazoezi kwa takriban siku tatu wakidai kulipwa malimbikizi ya mshahara wa miezi miwili.

Also Read
Mnyama Simba apaa kwenda Afrika kusini kuivaa Amakhosi

Mshindi wa mechi ya Gor na Belouizdad baada ya duru ya pili itakayochezwa mapema mwezi ujao jijini Nairobi atafuzu kucheza hatua ya makundi ya kombe hilo ,huku atakayeshindwa akicheza mchujo mmoja wa kufuzu hatua ya makundi ya kombe la shirikisho.

  

Latest posts

Boro wamtimua meneja Chris Wilder kwa matokeo duni

Dismas Otuke

Malkia Strikers warejea nyumbani kinyemela baada ya kubanduliwa mashindano ya dunia

Dismas Otuke

CAF yafungua maombi ya maandalizi ya fainali za AFCON mwaka 2025

Dismas Otuke

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi