Chui watoa kucha ligini na kudumisha rekodi ya 100%

Miamba wa soka nchini Kenya Afc Leopards waliendeleza msururu wa matokeo mazuri kwa kulilaza Bidco United mabao 2-0 katika mechi ya ligi kuu iliyosakatwa Jumapili Jioni katika uwanja wa Kasarani.

Leopards walihitaji mabao 2 ya mshambulizi Elvis Rupia kunako kipindi cha pili ili kuwatema Bidco waliopandishwa ngazi ligini msimu huu na kudumisha rekodi ya asilimia 100 baada ya michuano miwili kwani pia wakikuwa wameilaza Tusker Fc mabao 2-1 katika pambano la ufunguzi.

Also Read
Ratiba ya ligi kuu ya FKF kubainika Jumatano

Sofapaka wakiwa Kilifi waliwateketeza Western Stima mabao 3-1 ,Ellie Asieche akicheka na nyavu mara mbili ,moja kila kipindi huku naye Kepha Aswani akafunga kazi kwa  Batoto Ba Mungu kwa goli la 3 huku lile la maliwazo kwa wageni Stima likifungwa na Samuel Odhiambo.

Also Read
Kinara wa Cecafa Wallace Karia azuru Kenya kutathmini maandalizi ya Cecafa women champions league

Huo ulikuwa ushindi wa kwanza kwa Sofapaka waliopoteza pambano la ufunguzi  bao 1-0 ugenini kwa Bandari Fc.

Kwenye  matokeo mengine wana Mvinyo Tusker watazidi kusubiri ushindi wa kwanza ligi, baada ya kukabwa koo na Bandari Fc kwa kutoka sare kapa huku Kakamega Homeboyz wakishindwa kutamba nyumbani na kutoka sare ya 1-1 dhidi ya Posta Rangers.

Also Read
Obiri na Kandie wanyakua ubingwa wa mbio za nyika za KDF

Leopards wanaongoza jedwali kwa pointi 6  sawia na KCB baada ya mechi mbili .

  

Latest posts

Boro wamtimua meneja Chris Wilder kwa matokeo duni

Dismas Otuke

Malkia Strikers warejea nyumbani kinyemela baada ya kubanduliwa mashindano ya dunia

Dismas Otuke

CAF yafungua maombi ya maandalizi ya fainali za AFCON mwaka 2025

Dismas Otuke

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi