Eric Omondi amtetea Churchill

Mchekeshaji Eric Omondi amejitokeza kumtetea Daniel Ndambuki maarufu kama Churchill kutokana na shutuma dhidi yake kuhusiana na wachekeshaji ambao wamewahi kutumia jukwaa lake na kukosa kuendelea.

Omondi ambaye alikuwa akihojiwa kwenye kituo kimoja cha redio alisema ni lazima mchekeshaji afungue macho afikirie zaidi ili anufaike na fursa ya kuonekana kwenye kipindi cha Churchill.

Alisimulia kwamba wakati fulani, wachekeshaji waliitisha mkutano na Churchill wakitaka kwamba waongezewe marupurupu ya kuwa kwenye kipindi chake kwani wanaona yeye anaendelea ananunua magari mazuri ilhali wao hawana chochote.

Also Read
Christina Shusho kushirikiana na waimbaji saba wapya kwenye wimbo

Kulingana naye, mkutano huo ulikwisha hata kabla uanze kwani alimuuliza Dan Ndambuki mbele ya hao wachekeshaji ikiwa aliwahi kumlipa hata shilingi moja akiwa mmoja wa wachekeshaji wa kipindi chake ambapo Churchill alikana.

Also Read
"Wife Material itakuwa kubwa na bora zaidi" asema Eric Omondi

Omondi alisema kwamba alijua jukwaa la Churchill lingemwezesha kusonga mbele maishani kwa hivyo anahimiza wachekeshaji wengine wajikakamue ili waweze kupata kazi zingine huku nje kutokana na kazi yao kwenye kipindi cha Churchill.

Huku haya yakijiri, Omondi ameshangaza wengi baada ya kununua jeneza na kuchimba kaburi ambalo anasema atamzika mwanamuziki Khalighraph Jones.

Kulingana na matangazo kwenye akaunti zao za mitandao ya kijamii, wawili hao watakuwa na shindano la ndondi tarehe 23 mwezi huu wa Februari mwaka 2021.

OG kwa upande wake anaendeleza tu mazoezi kimya kimya.

  

Latest posts

Gravity Awataka Bebe Cool na Jose Chameleone Wastaafu

Marion Bosire

Kibao kipya cha Nonini kuzinduliwa siku ya kuzaliwa kwake

Tom Mathinji

Brenda Jons atangaza kuwa sasa ameokoka

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi