Happy Birthday Shihi Baby!

Leo ni siku ya kuzaliwa ya mwanamuziki wa Tanzania Shilole au ukipenda Shishi Baby. Kupitia Instagram, Shishi ambaye pia ni mjasiriamali alishukuru kwa mwaka 2020 hata kama umekuwa wa changamoto nyingi.

Alikumbusha umma kwamba mwaka huu alionja joto la jiwe la ndoa lakini pia ni mwaka ambao pia ameonja tamu ya mapenzi.

Also Read
Akothee azua mjadala mitandaoni

Kulingana naye biashara zake zimeendelea kukua licha ya magumu ya mwaka huu ambapo alishukuru wateja wake wote na wanaopenda muziki wake.

Hakuisahau serikali ya muungano wa Tanzania ambayo alisema inatoa mazingira bora kwa wafanyibiashara.

Alishukuru Mungu kwa Binti zake wawili Joyce na Rahma ambao anasema wameendelea kumpa furaha hata wakati anapitia magumu huku akiwakumbuka wote wanaomzunguka, ndugu, jamaa na marafiki.

Also Read
"Jifunzeni kwangu na Ali Kiba." Diamond Platnumz

Shilole alimalizia kuwaalika wote kwenye mkahawa wake kwa jina Shishi Food kuanzia saa moja jioni ambako inaonekana ataandaa sherehe na kuzungumza na wanahabari.

Mwanamuziki huyu amezindua kibao kipya hii leo kwa jina “My Photo” ambacho amemhusisha Baba Levo ambaye ni mwanamuziki na mtangazaji wa Wasafi Fm.

Also Read
Dulla Makabila afunga ndoa

https://youtu.be/KwAJXdPqkEE

Kulingana naye wimbo huo ni wa kusimulia magumu ya ndoa aliyoyapitia. Baba Levo anaimba,” Welcome bwana Shem (shemeji), tunakukubali sana bwana shem, usimpige sister Bwana Shem, wewe mpige picha bwana shem …”

Inaonekana kwamba wimbo huo pia ni wa kumsifia mpenzi wa sasa wa Shilole ambaye yeye humrejelea kama mpiga picha wake.

  

Latest posts

Wasanii Wanaowakilisha Kenya AFRIMA

Marion Bosire

Akothee Apata Mgeni wa Heshima Kwenye Hafla Yake

Marion Bosire

KFCB Yazuia Usambazaji Wa Filamu

Marion Bosire

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi