Hatutaruhusu ghasia kwenye mikutano ya hadhara – Mutyambai

Inspekta Jenerali wa Polisi Hillary Mutyambai amekariri kuwa Tume ya Huduma za Polisi itaidhinisha kufanyika kwa mikutano baada tu ya kuthibitisha wazi kuwa hakutatokea fujo.

Akijibu maswala ya Wakenya kwenye mtandao wake wa kijamii katika ushirikishi wake na wananchi kila wiki, Mutyambai amesema amepokea malalamishi kuhusu ubaguzi wa utekelezaji wa sheria kuhusu mikutano ya hadhara.

“Tukiona uwezekano wa hatari, basi idhini haitatolewa ili kulinda watu na mali katika eneo la maandalizi ya mkutano. Kuna makundi ambayo hayajashuhudiwa yakizua ghasia zozote na kuna mengine yamemezua ghasia, kwa hivyo ruhusa itatofautiana,” amesema.

Also Read
Shule ya wasichana ya Lugulu yafungwa kufuatia ghasia za wanafunzi wanaolalamikia ubakaji

Mutyambai pia amewakumbusha Wakenya kuhusu msako wa madereva walevi kote nchini ili kukabiliana na ongezeko la ajali za barabarani zinazotokana na ulevi wa waendeshaji magari.

Amesema viwango vya kileo katika damu ya madereva kitaasisiwa na madaktari hospitalini kwa kuzingatia kikamilifu sheria za COVID-19.

Also Read
Serikali yashtumiwa kwa kutolipa bili zake

Kuhusu maswala ya ufisadi katika shughuli za mahojiano na kupandishwa vyeo katika Idara ya Polisi maeneo tofauti tofauti nchini, Mutyambai amewataka wale ambao wana ushahidi wa kulaghaiwa kupiga ripoti kwa uchunguzi.

Amesema kuzingatia sheria za COVID-19 ni jukumu la kibinafsi na akawaonya Wakenya dhidi ya kutoa hongo kwa maafisa wa polisi.

“Chini ya kanuni za COVID-19, magari ya uchukuzi wa umma yanapaswa kusafirisha abiria asilimia 60 ya nafasi zao. Polisi hawawezi kuchunguza magari yote, kuwajibika kibinafsi ni muhimu. Maafisa wanapaswa kuhakikisha sheria hizo zinazingatiwa,” akasema.

Also Read
Mgomo wa wahudumu wa afya kuanza usiku wa manane

Mutyambai ameongeza kuwa wafasiri wa lugha tayari wamepokea mafunzo ili kuwasaidia wale wasio na uwezo wa kusikia, akisema kuwa tayari maafisa wengine wameanza kufanya kazi katika Kituo cha Polisi cha Central, Nairobi.

  

Latest posts

Rashid Aman: Chanjo zinazotolewa hapa nchini ni salama

Tom Mathinji

Kampuni ya sukari ya Nzoia yalaumiwa kwa kutowalipa wakulima

Tom Mathinji

China kupiga jeki uwezo wa kuzalisha chanjo hapa nchini

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi