Hofu yatanda Busia baada ya mfanyibiashara mashuhuri Alfred Obayo kuuawa kwa kupigwa risasi

Biwi la simanzi limegubika jamii ya wafanyibiashara wa Mji wa Busia baada ya mwanyibiashara mmoja mjini humo, Alfred Olu Obayo, kuuawa kwa kupigwa risasi.

Obayo mwenye umri wa miaka 60, ambaye alikuwa mmiliki  wa hoteli ya Texas Annex katika mji wa Busia, aliuawa kwa kupigwa risasi na watu wasiojulikana katika hoteli yake saa tatu usiku wa Jumatatu.

Mwenyekiti wa Chama cha Kitaifa cha Biashara na Viwanda katika Kaunti ya Busia, Silvanus Abungu, ametuma salamu za rambirambi kwa familia na marafiki wa marehemu Obayo na ametoa wito kwa vyombo vya usalama kuharakisha uchunguzi kuhusiana na mauaji hayo.

Also Read
Waziri wa zamani Joseph Nyaga ameaga dunia

Akithibitisha mauaji hayo, Kamanda wa Polisi wa Kaunti ya Busia, John Nyoike ambaye alizungumza na Shirika la Utangazaji Nchini (KBC) kwa njia ya simu, amesema washambuliaji wawili walikwenda kwenye hoteli ya mwendazake wakijifanya wateja lakini ghafla mmoja wao akatoa bunduki na kumpiga risasi na kumuua mfanyabiashara huyo.

Also Read
Matiang'i asifia mpango wa kazi mtaani

Nyoike amesema hakuna kilichoibiwa kutoka kwa marehemu na kuongeza kuwa Idara ya Upelelezi kuhusu Uhalifu huko Busia wameanzisha uchunguzi.

Afisa huyo wa Polisi ametoa wito kwa umma kujiepusha na uvumi kuhusu kiini cha mauaji hayo na badala yake kuwapa fursa maafisa wa upelelezi kuendesha uchunguzi.

Also Read
Washukiwa wawili wa mauaji ya Herman Rouwenhourst kuzuiliwa kwa siku 21 zaidi

Nyoike pia amehimiza yeyote ambaye ana habari ambazo zinaweza kusaidia polisi katika uchunguzi kuzitoa kwa polisi.

Amewahakikishia wafanyabiashara usalama wao na kukariri kuwa polisi watafanya kila liwezekanalo kuhakikisha kuwa waliohusika wametiwa mbaroni.

Marehemu alikuwa Mkurugenzi wa Fedha wa tawi la Kaunti ya Busia la chama cha Kitaifa cha wafanyabiashara na wenye Viwanda nchini.

  

Latest posts

Uhaba wa maji wakumba kaunti ndogo ya Lagdera baada ya kukauka kwa vidimbwi

Tom Mathinji

Magoha: Serikali haitabatilisha agizo lake kuhusu utumiaji wa mabasi ya shule.

Tom Mathinji

Kenya yapokea zaidi ya dozi 400,000 za chanjo ya Astrazeneca kutoka Uingereza

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi