Iran yataka Umoja wa Mataifa kulaani mauaji ya Mohsen Fakhri-Zadeh

Iran imelitaka baraza la usalama la Umoja wa Mataifa kukashifu mauaji ya mtafiti mkuu wa Kinuklia nchini humo Mohsen Fakhri-Zadeh na kuwaadhibu waliotekeleza kitendo hicho.

Hata hivyo wito huo wa Iran kulingana na maafisa wa ubalozi huenda ukapuuzwa.

Also Read
Dozi ya tatu dhidi ya COVID-19 Israel yaonyesha ufanisi

Baraza hilo la usalama lenye mataifa yanachama 15 huenda siku ya Ijumaa likajadilia faraghani mauaji ya mwanasayansi Mohsen Fakhri-Zadeh.

Hata hivyo mjadala huo utafanyika iwapo mwanachama yeyote ataomba mkutano kama huo ufanywe au wanachama wa baraza hilo wakubaliane kuhusu suala hilo.

Also Read
Don Jazzy azindua mwanamuziki Ayra Starr

Lakini mwakilishi wa Afrika Kusini katika baraza la umoja wa mataifa, Jerry Matjila, amesema hakuna mwanachama yeyote aliyeomba kuandaliwa kwa mkutano wa kujadilia mauaji hayo.

Mabalozi pia wamesema hakujakuwa na majadiliano yoyote kuhusu taarifa hiyo.

Also Read
Ghasia kati ya Israel na Hamas kuchunguzwa na Umoja wa mataifa

Mtafiti huyo aliuawa karibu na Jiji kuu Tehran huku akizikwa kijeshi na serikali ya nchi hiyo.

Hadi sasa hakuna nchi ambayo imedai kutekeleza mauaji hayo licha ya kuwa Iran inailaumu Israeli.

  

Latest posts

Mwanaume mmoja ashtakiwa kwa makosa saba ya mauaji Marekani

Tom Mathinji

Uganda yaidhinisha Kiswahili kuwa Lugha rasmi

Tom Mathinji

Walinda usalama wawili wa Umoja wa Mataifa wauawa nchini Mali

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi