Israeli yatangaza hali ya hatari mjini Lod kufuatia mapambano na Palestina

Taifa la Israel limetangaza sheria za hali ya hatari katikati ya mji wa Lod huku mapambano kati ya wanajeshi wa taifa hilo na Wapalastina yakiongezeka.

Magari kadhaa yaliteketezwa na watu 12 wakaripotiwa kujeruhiwa kwenye vurugu zilizotokea katika mji huo.

Wapiganaji wa Kipalastina walirusha makombora 500 ndani ya Israel, huku Israel ikijibu kwa kushambulia maeneo ya Wapalastina huko Gaza wakitumia ndege za kivita.

Also Read
EU kudhibiti uuzaji wa chanjo za kukabiliana na Covid-19

Iliarifiwa kuwa watu 31 wameuawa kwenye mapambano hayo ambayo ni mabaya zaidi kuwahi kutokea katika sehemu hiyo katika miaka ya hivi majuzi.

Siku ya Jumanne, Wapalastina walisema walirusha makombora 13 dhidi ya mji wa Israel wa Tel Aviv.

Also Read
Wakazi wa Gaza wapokea misaada ya chakula baada ya kusitishwa kwa mapigano na Israeli

Wanajeshi wa Israel walisema walikuwa wakilenga wanamgambo wa Kipalastina huko Gaza, baada ya wapiganaji hao kurusha makombora dhidi ya mji wa Jerusalem na maeneo mengine.

Mapambano hayo yanajiri wiki kadhaa baada ya hali ya mvutano  kujitokeza kati ya polisi wa Israel na waandamananaji wa Kipalastina kwenye maeneo matakatifu kwa waumini wa Kiislamu na Wayahudi.

Also Read
Ghasia kati ya Israel na Hamas kuchunguzwa na Umoja wa mataifa

Jamii ya kimataifa imezitaka pande husika kwenye mzozo huo  kuukomesha.

Mjumbe wa Umoja wa mataifa huko Mashariki ya Kati Tor Wennesland amesema huenda vurugu hizo zikasababisha vita kamili.

  

Latest posts

Wanajeshi wa Marekani wamekaribishwa Somalia, asema Rais Hassan Sheikh Mohamud

Tom Mathinji

Russia Yaonya Finland Dhidi ya Kujiunga na Shirika la NATO

Marion Bosire

Barabara ya kwanza ya mwendo kasi ya kulipia Afrika Mashariki yaanza kufanya kazi kwa majaribio

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi