Kamati ya Bunge kuhusu Afya yaandaa kikao cha kutatua changamoto za sekta ya afya nchini

Kamati ya Bunge kuhusu afya inatarajiwa kukutana na wadau wa sekta ya afya katika juhudi za kutafuta suluhisho la mzozo unaoendelea katika sekta hiyo humu nchini.

Mwenyekiti wa kamati hiyo Sabina Chege amesema kuwa watakutana na maafisa kutoka Wizara ya Afya, wawakilishi wa kaunti na maafisa kutoka vyama mbali mbali vya wahudumu wa afya ili kujadili swala hilo.

Chege, ambaye ni Mwakilishi wa wanawake wa Kaunti ya Muranga, amesema kuwa  kulaumiana kunapaswa kukomeshwa na suluhisho la haraka kupatikana ili kuwaepusha Wakenya na mateso na kero ya kutafuta huduma za afya, kutokana na mgomo wa wauguzi na matabibu unaoendelea.

Also Read
Gavana Mutua apinga uamuzi wa Mahakama kuhusu Magavana wanaotaka Urais

“Inasikitisha kwamba Wakenya hawawezi kupata huduma za matibabu kwa sababu ya mchezo wa lawama. Tunataka kuwasikiza washirika wote na tutambue shida ilipo, na pia nawasihi wahudumu wa afya wanaoendelea na mgomo kuwatilia maanani Wakenya maskini na wawe tayari kwa mashauriano,” akasema Chege.

Also Read
Wahudumu wa Bodaboda waonywa dhidi ya kujihusisha na uhalifu

Chege amesema kuwa fedha zilizotengewa juhudi za kupambana na janga la COVID-19 zinaweza kutumika kutatua baadhi ya changamoto zinazowakumba wahudumu wa afya wanaogoma.

Mwenyekiti huyo pia amesema itakuwa vyema kama vifaa vya kujikinga kutokana na ugonjwa huo vilivyoko katika Halmashauri ya Usambazaji Madawa (KEMSA) vitatolewa kwa wahudumu wa afya wanaohudumia wagonjwa wa COVID-19.

Also Read
Watu 104 zaidi waambukizwa Covid-19 humu nchini

Mgomo huo ulioanza siku ya Jumatatu umewasababishia matatizo makubwa wagonjwa waliokuwa wakitegemea hospitali za umma kote nchini.

Maafisa kutoka vyama mbali mbali vya wahudumu wa afya wameapa kuendeleza mgomo huo hadi mahitaji yao yatakaposhughulikiwa.

  

Latest posts

Kenya yanakili visa 113 vipya vya COVID-19

Tom Mathinji

Wazazi wasema watatetea mtaala mpya wa Elimu wa CBC

Tom Mathinji

Watu watano wana kesi ya kujibu dhidi ya mauaji ya wakili Willie Kimani

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi