Kenya kupokea chanjo dhidi ya COVID-19 aina ya Johnson and Johnson Ijumaa

Kenya inatarajia kupokea shehena ya chanjo ya Johnson and Johnson siku ya Ijumaa hii ikiwa sehemu ya dozi million  4.16 za chanjo ya Covid-19 zitakazopokewa katika muda wa wiki nne zijazo.

Kulingana na katibu mwandamizi wa wizara ya Afya Susan Mochache, ambaye Alhamisi asubuhi alipokea shehena ya chanjo mpya kutoka kwa kaimu balozi wa Canada humu nchini David Anthony Da Silva katika uwanja wa ndege wa kimataifa wa Jomo Kenyatta, shehena ya hivi punde itapiga jeki kampeini za chanjo zinazo-endelea kote nchini.

Also Read
Ni rasmi Raila Odinga atawania Urais Katika uchaguzi mkuu ujao

Aliwakumbusha wakenya kwamba chanjo zote zinatolewa bila malipo, huku akiwahimiza waKenya kuwa waangalifu na kutoa habari kwa wizara ya afya kuhusu shughuli zozote haramu za utoaji chanjo  kupitia nambari 719 ambayo hailipishwi chocohote.

Also Read
China kusaidia mataifa mengine kukabiliana na Covid-19

Dozi nyingine 459,300 za chanjo ya AstraZeneca, ambazo ziliwasilishwa humu nchini kupitia kwa mpango wa Covax, zinafikisha 4,069,900 idadi-jumla ya dozi za chanjo ya Covid-19 ambazo hadi sasa zimetolewa kwa WaKenya.

Also Read
Mwanabiashara maarufu wa Eldoret Jackson Kibor amefariki

Jumla ya WaKenya wapatao 806,404 tayari wamepokea chanjo zote mbili za Astrazeneca kote nchini.

Hii inashiri asilimia  2.96 ya idadi jumla ya watu wazima hapa nchini kenya. Alisema WaKenya 1,985,905 wamepokea chanjo ya kwanza.

  

Latest posts

Rais Kenyatta: Mataifa ya Afrika Sharti yakabiliane kikamilifu na zimwi la Ufisadi

Tom Mathinji

Watu wawili wafariki baada ya jengo kuporomoka Kiambu

Tom Mathinji

TIFA: Uwaniaji Urais wa Raila-Karua ni maarufu zaidi

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi