Kenya wasajili ushindi wa kwanza kwa kuichakaza Msumbiji vikapu 79-62 mechi za kufuzu Fiba Afrobasket

Timu ya Kenya ya mpira wa kikapu maarufu kama Morans imekamilisha mechi za raundi ya kwanza katika kundi B kufuzu kwa mashindano ya Fiba Afrobasket kwa ushindi baada ya kuwanyuka Msumbiji vikapu 79-62  Ijumaa jioni katika uwanja wa Kigali.

Morans walianza mchuano huo wakijua kuwa ni ushindi tu ungewaweka kwenye nafasi nzuri ya kufuzu baada ya kupoteza mechi za kwanza mbili dhidi ya Senegal na Angola na wakalazimishwa kutoka sare alama 19-19 katika robo ya kwanza ya mchezo .

Also Read
Kenya Morans yarejea nyumbani kwa madaha baada ya kufuzu kwa mashindano ya Afrika

Hata hivyo Msumbiji waliimarika katika robo ya pili  na kuibwaga Kenya pointi 17-14 huku Kenya wakilipiza kisasi na kushinda robo ya tatu alama 23-17 na kudumisha ushindi kwenye  robo ya mwisho vikapu  23-14 .

Also Read
Uchaguzi wa kitaifa wa Fkf hatimaye waandaliwa

Tyler Ongwae kwa mara nyingine tena aliibuka mfungaji bora wa vikapu kwa Kenya kwa kufunga 21 akifuatwa na Valentine Nyakinda aliyefunga vikapu 16  huku nahodha Erick Mutoro akirekodi vikapu 15.

Kenya inayofunzwa na kocha Cliff Owuor itarejea nchini mwishoni mwa juma hili ,kujiandaa kwa mechi tatu za raundi ya pili kundini B wakianza dhidi ya Senegal Februari 19 mjini Kigali Rwanda ,kabla ya kukutana na Angola Februari 20 na kufunga ratiba dhidi ya Msumbiji tena tarehe 21 mwezi Februari mwakani.

Also Read
Kenya Lioness yafuzu kwa mashindano ya FIBA Afrobasket baada ya kuwazabua Misri 99-83

Timu tatu bora kutoka kundi hilo zitafuzu kwa mashindano ya Fiba Afrobasket mwaka ujao nchini Rwanda.

  

Latest posts

Police Fc washerehekea kurejea ligi kuu baada ya mwongo mmoja kwa dhifa

Dismas Otuke

Sportpesa kurejesha ufadhili michezo nchini Kenya

Dismas Otuke

Vidosho wa Kenya wapigwa dafrao na Msumbiji mashindano ya kikapu Afrika

Dismas Otuke

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi