Kenya yaanza kutoa awamu ya pili ya chanjo ya Astrazeneca

Kenya imeanza kutoa chanjo ya pili ya dawa ya Oxford-AstraZeneca baada ya kutamatisha awamu ya kwanza ya mpango huo wa chanjo.

Siku ya Ijumaa waziri wa afya Mutahi Kagwe alisema wale wote waliotarajia kupata chanjo ya pili wanaendelea kujulishwa kupitia kwa ujumbe mfupi, na kuwashauriwa wafike kwenye vituo vyao vya chanjo.

Also Read
Wizara ya elimu yatoa ratiba mpya ya masomo kwa mwaka wa 2021,2022 na 2023.

Alisema kwa mara nyingine nafasi ya kwanza itatolewa kwa wahudumu wa afya, ambao walipewa chanjo ya kwanza mwanzoni mwa kampeini hiyo mwezi Marchi.

Also Read
Mtihani wa KCSE wang'oa nanga kote nchini

Utoaji huo wa chanjo ya pili unajiri wiki 12 baada ya kutolewa chanjo ya kwanza kuambatana na maagizo ya shirika la afya duniani (WHO).

Siku ya Jumamosi Kenya itapokea dozi elfu-72 za dawa ya AstraZeneca kutoka Sudan Kusini na pia Jamhuri ya Ki-demokrasia ya Congo, kama ilivyotangazwa awali.

Also Read
Kenya yaripoti visa vipya 69 vya ugonjwa wa COVID-19 na maafa sita

Kulikuwa na hali ya wasiwasi kutokana na usambazaji wa chanjo hiyo baada ya India kusitisha usambazaji wake kutokana na Idadi kubwa ya visa vya Covid-19 vinavyoghubika taifa hilo.

  

Latest posts

Makuzi ya Lugha ya Kiswahili

Tom Mathinji

Serikali yaongeza kafyu ya kuto-toka nje usiku katika kaunti tatu za Rift Valley

Tom Mathinji

Karua asema Muungano wa Azimio utahakikisha uongozi bora

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi