Kenya yanakili visa 13 vipya vya Covid-19

Taifa hili limenakili visa 13 vipya vya Covid-19 baada ya kupimwa kwa sampuli 1,816 katika muda wa saa 24 zilizopita. Kiwango cha maambukizi ya Covid-19 hapa nchini sasa ni cha asilimia 0.7.

Idadi jumla ya visa vilivyothibitishwa hapa nchini kufika sasa ni 323,952 kutoka kwa Idadi jumla ya sampuli  3,625,373 zilizochunguzwa tangu mwezi Machi mwaka 2020.

Also Read
Watu 32 zaidi waambukizwa Covid-19 hapa nchini

Kati ya visa hivyo, waathiriwa tisa ni raia wa Kenya na wanne ni raia wa kigeni, huku watano wakiwa wa kike na wanane wakiume.

Mwathiriwa mchanga zaidi ni mtoto wa umri wa miaka tano na mkongwe zaidi ana umri wa miaka 60.

Also Read
Jambojet yawapunguzia wateja wake nauli kwa safari za humu nchini

Wagonjwa sita wamepona virusi hivyo, wote kutoka mpango wa kuwatunza wagonjwa nyumbani. Hii inafikisha Idadi jumla ya waliopona Covid-19 hapa nchini kuwa  318,116.

Hakuna mgonjwa ameripotiwa kufakiri kutokana na Covid-19 hapa nchini, huku Idadi jumla ya vifo kutokana na virusi hivyo hapa nchini ikisalia kuwa 5,649.

Also Read
Mkuu wa CDC asema ongezeko la maambukizi ya korona Kenya limetokana na kulegezwa kwa vikwazo

Kulingana na waziri wa afya Mutahi Kagwe, jumla ya wagonjwa sita wamelazwa katika hospitali mbali mbali kote nchini, huku wengine 181 wakitunzwa nyumbani.

Hakuna mgonjwa ambaye amelazwa katika chumba cha wagonjwa mahututi ICU. Wagonjwa wawili wanapokea hewa ya ziada ya Oxygen wakiwa katika wodi za kawaida.

 

  

Latest posts

Kenya Simbas yanusurika na kufuzu kwa fainali ya kombe la Afrika

DOtuke

Injera na Onyala kukosa nusu fainali ya Algeria baada ya kujeruhiwa

DOtuke

Makuzi ya Lugha ya Kiswahili

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi