Kimanzi arejea kwa mbwembwe ligi kuu akisaini mkataba wa miaka 4 na Wazito Fc

Aliyekuwa mkufunzi wa Harambee Stars Francis Kimanzi ameteuliwa kuwa kocha mpya wa timu ya  Wazito Fc inayoshiriki ligi kuu  kwa mkataba wa miaka minne .

Uteuzi wa Kimanzi unajiri takriban wiki nne tangu afurushwe kuwa kocha mkuu wa  timu ya taifa Harambee Stars .

Also Read
Gor na Wazito FC wafungiwa kusajili wachezaji kwa mwaka mmoja kwa kushindwa kuwalipa wachezaji

Kimanzi ambaye alikuwa kocha wa zamani wa Mathare United atasaidiwa na kocha wa zamani wa Thika United John Kamau katika majukumu mapya huku wakiwa huru kuwatafuta wasaidizi wao.

Also Read
Gor Mahia wako ngangari kumenaya na APR Jumamosi

Wazito Fc hawajakuwa na kocha tangu wampige kalamu  Fred Ambani na msaidizi wake Salim Babu tarehe 9 mwezi huu .

Kimanzi ni kocha wa 7 kujiunga na Wazito Fc katika kipindi cha mwaka mmoja uliopita baada ya Ambani,Mwingereza  Stewart Hall, Stanley Okumbi, Fred Ouna, Hamisi Abdalla na  Melis Medo.

Also Read
Homeboyz wazidiwa Uzito ligi kuu FKF

Uzinduzi rasmi wa Kimanzi na msaidizi wake utaandaliwa Jumatano katika makao makuu ya kilabu hicho.

  

Latest posts

Sportpesa kurejesha ufadhili michezo nchini Kenya

Dismas Otuke

Vidosho wa Kenya wapigwa dafrao na Msumbiji mashindano ya kikapu Afrika

Dismas Otuke

FKF yakatiza mkataba wa shilingi milioni 127 na Odibets

Dismas Otuke

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi