Maafisa wa usalama nchini Uganda washtumiwa kwa kuwajeruhi wanahabari waliokuwa wakiripoti kumhusu Bobi Wine

Muungano wa Wahariri nchini Uganda umeshtumu vikali vikosi vya usalama nchini humo (UPDF) baada ya kuwajeruhi wanahabari kadhaa waliokuwa wakiripoti habari kumhusu mwanasiasa Robert Kyagulanyi.

Wanahabari hao walikuwa wameandamana na mwanasiasa huyo almaarufu Bobi Wine akiwasilisha malalamshi kwa afisi za Umoja wa Mataifa kuhusu ukiukaji wa haki za binadamu nchini humo.

Also Read
Uganda na Misri zakubaliana kubadilishana habari za kijasusi

Mashahidi wanasema kuwa wanajeshi waliwasili kwa malori nje ya afisi za kutetea haki za binadamu za Umoja wa Mataifa (UNHRC) katika mji mkuu wa taifa hilo Kampala na kuanza kuwapiga wanahabari.

Kulingana na taarifa ya muungano wa wahariri nchini humo, angalau wanahabari 10 wa mashirika tofauti ya habari walijeruhiwa kabla kupelekwa hospitalini kwa matibabu.

Also Read
Ufaransa kulegeza masharti ya COVID-19 msimu wa Krismasi

Mwanahabari mmoja aliweka katika mtandao wa Twitter, picha za yaliyokuwa yakijiri katika eneo hilo huku akionyesha mmoja wa wanahabari akitokwa na damu kichwani.

Kituo kimoja cha kibinafsi cha runinga kilionyesha picha za wanahabari wakitoroka ili kuepuka kucharazwa.

Akijibu shutuma hizo, Msemaji wa vikosi hivyo vya usalama Brigadia Generali Flavia Byekwaso amesema kundi lililoandamana na Bobi Wine walijeruhi afisa mmoja wa usalama ndiposa ikabidi wafurushwe kwa nguvu.

Also Read
Ba N'Daou ateuliwa kaimu Rais wa Mali

Kuna wasi wasi nchini Uganda kuhusu hatima ya wafuasi wa upinzani ambao wamesemekana kutoweka.Waliokamatwa wamesemekana kuteswa.

Rais Yoweri Museveni hivi maajuzi alisema kuwa watu 300 wamezuiliwa kwa kuzua vurugu na kuhusika na visa vingine vya uhalifu.

  

Latest posts

Chama cha Social Democrats chatwaa ushindi nchini Ujerumani

Tom Mathinji

Utawala wa Taliban watakiwa kubuni serikali inayowajumuisha wote

Tom Mathinji

Mzozo wa kidiplomasia kati ya Uchina na nchi za magharibi wasitishwa

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi