Maendeleo ya wanawake yapinga matamshi ya kuwadhalilisha akina mama

Shirika  la maendeleo ya wanawake limeshutumu matamshi ya  kuwadhalilisha wanawake  yanayotumiwa na baadhi ya wanasiasa kwenye mikutano yao ya kisiasa husasan katika siku za hivi punde.

Akiwahutubia wanahabari mapema Alhamisi katika afisi za shirika hilo ,mwenyekiti wa kitaifa Rahab Muiu amewataka wanasiasa kujitenga na matamshi ya udhalilishaji wanawake na lugha chafu,akirejea baadhi ya matamshi ambayo yamekuwa yakitolewa na baadhi ya wanasiasa wanaogemea mrengo wa Naibu Rais William Ruto.

Also Read
Maendeleo ya Wanawake yamuomboleza hayati Kibaki

“Hatutavumulia zaidi matusi na dhulma dhidi ya wanawake,matamshi yaliyotolewa kwenye video na Mkenya anayeishi Marekani na baadhi ya wanasiasa walio katika mrengo wa naibu Rais William Ruto ni ya kusikitisha na tunataka waziri wa usalama wa ndani Dkt Fred Matiangi’  na taasisi husika kuwachukulia hatua za kisheria wale wanaoeneza siasa za chuki na matusi dhidi ya wanawake”akasema Bi Mwikali

Muiu  pia ameshutumu vikali wale wanaomshambulia mama Ngina Kenyatta,mamake Rais Uhuru Kenyatta akisisitiza kuwa tofauti za kisiasa zapaswa kuwa  kwa maswala wala sio matusi.

Also Read
Kenya kushiriki kwenye majaribio ya chanjo dhidi ya malaria kwa watoto

Muiu amemtaka naibu Rais kuomba msamaha kutokana na matamshi hayo yaliyotolewa na baadhi ya wafuasi wake na kupendekeza waziri wa usalama wa ndani Dkt Fred Matiang’i kuwachukulia hatua za kisheria wote wanaoeneza cheche za matusi na kuwakosea heshima akina wanawake kwa jumla.

“Tunasema akina mama na wanawake waheshimiwe  ,kila wakati na kila mahali wakati huu wa kampeini ,tunafunza nini watato wetu wakiskia matusi kama haya,wanasiasa hawa wakome matusi dhidi ya wanawake,na tunamtaka naibu Rais aombe msamaha kwa akina kote nchini”akasema Muiu

Also Read
Mwanaume amuua mamake kabla ya kujitoa uhai katika kaunti ya Samburu

Kundi hilo la wanawake likiongozwa na  mwakilishi wa akina mama kaunti ya Nairobi ,Esther Pasaris limeandamana hadi katika afisi za naibu Rais William Ruto kumtaka awachukulie  sheria wanasiasa husika walio kwenye mrengo wake.

  

Latest posts

Kenya Simbas yanusurika na kufuzu kwa fainali ya kombe la Afrika

DOtuke

Injera na Onyala kukosa nusu fainali ya Algeria baada ya kujeruhiwa

DOtuke

Makuzi ya Lugha ya Kiswahili

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi