Mali yatinga nusu fainali ya CHAN baada ya kuilaza Congo 5-4

Mali walijikatia tiketi kwa nusu fainali ya CHAN kwa mara ya pili katika historia baada ya kuwabandua Congo mabao 5-4 kupitia mikwaju ya penati kwenye nusu fainali ya kwanza iliyochezwa Jumamosi usiku uwanjani Ahmad Ahidjo mjini Doual Cameroon.

Timu zote zilishindwa kutumia vyema nafasi zao za kupachika magoli huku makipa wakiwa ange na kuzima mashambulizi na kulazimisha kipindi cha kwanza na cha pili kuishia sare tasa.

Also Read
Droo ya kombe la dunia raga ya wachezaji 15 mwaka 2023 kuandaliwa Desemba 14

Mkenya Dkt Peter Waweru aliyesimamia pambano hilo aliamurisha kupigwa dakika 30 za ziada ambazo pia ziliishia sare ndiposa penati zikapigwa kutenganisha timu hizo.

Also Read
Simba wa Moroko kukabana koo na simba wa Cameroon semi faini CHAN

Mikwaju ya penati ilipigwa huku ile ya Congo ikifungwa na Julfin Ondongo, Hardy Binguila, Yann Mokombo na kipa  Pavelh Ndzila huku Prince Mouandzu Mapata akipiga mkwaju wake nje.

Mali waliunganisha penati zote 5 kupitia kwa Issaka Samake, Moussa Kyabou, Makan Samabali, Mamadou Doumba na  Mamadou Coulibaly  ikiwa mara ya pili kwa timu hiyo kufuzu nusu fainali baada ya kufanya hivyo kw amara ya kwanza mwaka 2016 nchini Rwanda.

Also Read
Cameroon, Guinea walenga Shaba CHAN 2020

Mali watapambana katika nusu fainali na mshindi kati ya Guinea na Rwanda watakaovaana kwenye robo fainali ya mwisho Jumapili usiku.

 

  

Latest posts

Tusker kushikana mashati na Gor Mahia mechi ya kufungua pazia la msimu kuwania kombe la supa

Dismas Otuke

Isabella Mwampambo mkuzaji vipaji vya soka Upendo Friends Sports Academy mjini Arusha Tanzania

Dismas Otuke

Shujaa yashindwa fainali ya kombe kuu na Afrika Kusini 5-38 Vancouver 7’s

Dismas Otuke

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi