Masharti ya Simba!

Mmiliki wa kampuni ya Wasafi Classic Baby ambaye pia ni msanii wa Bongo Fleva Diamond Platnumz ametoa mwelekeo wa mavazi kwa wale wote ambao wanapanga kuhudhuria uzinduzi wa albamu ya Mbosso, “Definition Of Love”.

Kupitia akaunti yake ya Instagram, Diamond ametangazia waalikwa na wale ambao wanaendelea kununua tikiti au wameshanunua kwamba mavazi yatakayokubalika kwenye hafla hiyo ni ya rangi ya bluu yaani samawati na rangi nyeusi.

Also Read
Nikita Kering asema ataimba kwa lugha ya kalenjin siku zijazo

Diamond ambaye pia hujiita Simba anasema kwamba mtu akiongeza rangi nyeupe kwenye vazi lake hakutakuwa na tatizo na hata akapachika picha za watu waliovaa mavazi ya rangi hizo kama kielelezo.

Kulingana naye yeyote ambaye atafika langoni Mlimani City Jumamosi tarehe 20 mwezi huu wa Machi mwaka 2021 akiwa amevaa mavazi ya rangi tofauti na alizozitaja hatoruhusiwa kuingia na hatarejeshewa hela ya tikiti.

Also Read
Coy akanusha madai ya kuuzia Diamond Kampuni

Kuna tiketi za bei tofauti kwa ajili ya tukio hilo, ya kwanza ni ya milioni 5 pesa za Tanzania ambayo ni sawa na 236,739.97 za Kenya.

Tiketi ya pili ni ya shilingi milioni 3 pesa za Tanzania, sawa na 142,043.98 za Kenya, Kuna ya Milioni moja za Tanzania ambayo ni sawa na 47,347.99 pesa za Kenya, ya laki moja ya Tanzania sawa na 4,734.80 za kenya na ya mwisho ni ya shilingi elfu hamsini za Tanzania, sawa na 2,367.40 za Kenya.

Also Read
Princess Shyngle aomba ushauri mitandaoni

Mbosso tayari ametoa albamu hiyo ya “Definition of Love” kwenye majukwaa kadhaa ya muziki mtandaoni na inaonekana kupokelewa vyema na mashabiki.

  

Latest posts

KFCB Yazuia Usambazaji Wa Filamu

Marion Bosire

Eduswagga Azungumzia Safari Yake Ya Muziki

Marion Bosire

Tory Lanez Afuta Instagram Kulikoni?

Marion Bosire

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi