Mashemeji wamekasirika!

Simba wa muziki nchini Tanzania amejipata pabaya baada ya kuandika chini ya picha ya mtoto wake Naseeb Junior kwa mara ya kwanza tangu atengane na mama mtoto Tanasha Donna.

Akaunti ya Instagram ya Naseeb Junior inaaminika kuendeshwa na mamake Tanasha na jana jioni binti huyo ambaye pia ni mwanamuziki aliweka picha ya Naseeb akiwa amevalishwa nadhifu mavazi ya rangi nyeupe na samawati.

Mtu wa kwanza kuweka ‘comment’ yake kwenye hiyo picha ni babake mzazi Diamond Platinumz au ukipenda Nasibu Abdul.

Also Read
Vanessa Mdee achumbiwa na Rotimi

Wafuasi wa Naseeb Junior wakenya walichukua fursa hiyo kumsuta Diamond kwa kile ambacho wanasema kwamba ni kukosa kuhudumia mtoto huyo kama baba mzazi.

Mmoja kwa jina ‘9585m.ary’ aliandika,

“Tumechoka tuhakikishie kwamba wewe sio baba asiyekuwepo. Sisi wakenya hatupendi wazazi wasiokuwepo kwa maisha ya wanao. Hivi karibuni utakuwa unalia kwenye runinga. Kuwa mzuri ndugu.”

Also Read
Mimi Mars nyumbani kwa Diamond!

Wengine wanamshauri bwana huyo aoe wanawake wote ambao wamemzalia watoto kama vile ‘Master26788’

ameandika, “Mimi naona uoe wote kaka kwa sababu uwezo unao. si ufanye hivyo kaka unangoja nini jamani? Mke mkubwa Wema, wa pili Zari na wa tatu Tanasha. Najua unaweza tena sana yule tununu kwa sababu mama hamtaki akae atulie mtoto wake atalelewa na Wema.”

Dadake Diamond Esma Platinumz aliandika, “Tom Kaka we miss you jamani.”. Juzi tu Esma alisifia Zari ambaye alikuwa amepeleka watoto kwa baba yao kwa ujuzi wake katika kupika huku akisema wengine ambao ndugu yake amewahi kuwa nao hawakujua kupika kama Zari.

Also Read
Thawabu kwa kosa? Wasafi Fm Tanzania 

Diamond hajasema lolote kuhusu maneno ya wafuasi wake na wa mtoto wake kwenye Instagram. Mwezi wa sita mwaka huu Bi. Tanasha alifichua kwamba Diamond hakuwa anagharamia malezi ya mtoto wao.

  

Latest posts

Zuchu Amtania Mamake Khadija Kopa

Marion Bosire

Muigizaji Jaymo Afunga Ndoa

Marion Bosire

Don Jazzy Anatafuta Kumsajili Salle

Marion Bosire

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi