Mwanamume auawa na ndovu Mtito Andei

Mwanamume mwenye umri wa miaka 73 amefariki papo hapo baada ya kukanyagwa na ndovu katika eneo la Nthunguni katika Kata ya Mtito Andei, Kaunti Ndogo ya Kibwezi Mashariki.

Muathiriwa huyo aliyetambuliwa kama Charles Mutinda Mutisya ameuawa na ndovu huyo alipokuwa akielekea shambani kwake kulima.

Also Read
Mama Taifa ampongeza Jim Nyamu kwa juhudi zake za kuwatunza Ndovu

Ndovu huyo alikuwa ametoka katika Mbuga ya Kitaifa ya wanyama pori ya Tsavo Mashariki.

Akiongea na Shirika la Habari nchini, KBC, kwa njia ya simu, Kamanda wa Polisi katika Kaunti ya Makueni Joseph Ole Naipeyan amethibitisha kisa hicho.

Also Read
Rais Kenyatta amuomboleza Seneta wa Garissa Yusuf Haji

Naipeyan amesema maafisa wa polisi kutoka Kituo cha Polisi cha Mtito Andei na Shirika la Huduma kwa wanyama pori (KWS) wamezuru eneo la kisa hicho na kupata mwili wa muathiriwa ukiwa na majeraha.

Also Read
Kenya yanakili visa 112 zaidi vya Covid-19

Mwili huo umepelekwa katika hifadhi ya maiti ya Hospitali ya Kaunti Ndogo ya Makindu kufanyiwa uchunguzi wa upasuaji wa maiti.

  

Latest posts

Serikali yatoa chakula cha msaada kwa wanaokabiliwa na njaa nchini

Tom Mathinji

Daktari aliyewaua wanawe wawili kaunti ya Nakuru amefariki

Tom Mathinji

Shule 43,000 kote nchini kuunganishiwa mtandao wa internet

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi