Mwenyekiti wa shirika la KBC David Were aifariji familia ya marehemu Justus Murunga

Mwenyekiti wa bodi ya wakurugenzi wa shirika la utangazaji nchini-KBC David Were alizuru makazi ya aliyekuwa mbunge wa Matungu marehemu Justus Murunga katika eneo la Embakasi jijini Nairobi ili kuifariji familia yake.

Were ambaye alikuwa ameandamana na mkewe, alitoa wito kwa wakazi wa eneo bunge la Matungu kusalia watulivu na kuungana na familia ya marehemu katika maombi wakati huu wa majonzi.

Also Read
Jamii ya waandishi wa habari yaomboleza kifo cha mwanahabari mkongwe Philip Ochieng’

Were ambaye ni mbunge wa zamani wa  Matungu, alipoteza kiti hicho mwaka wa 2017.

Siku ya alhamisi hakimu wa mahakama ya  Milimani Agnes Makau alitoa maagizo ya kusimamisha mazishi ya marehemu mbunge huyo wa Matungu.

Hii ni baada ya mwanamke mmoja kwenda mahakamani akidai kuwa alizaa watoto na mbunge huyo.

Also Read
Kenya yanakili visa 98 vya maambukizi ya COVID-19

Mahakama ilimwagiza mwanamke huyo kwa jina Agnes Wangui kuwakabidhi wake wawili wa mbunge huyo na hifadhi ya maiti ya Lee Funeral stakabadhi za mahakama kabla ya kesi hiyo kusikizwa tarehe 26 mwezi huu.

Wangui kupitia kwa wakili  Danstan Omari alikuwa anataka wajane wawili wa marehemu Christabel na  Grace na hifadhi ya maiti ya Lee kusimamishwa kufanya mipango yote ya mazishi.

Also Read
Wabunge wamwomboleza Mbunge wa Matungu Justus Murunga

Wangui pia alitaka kuchukuliwa kwa sampuli za  DNA kutoka kwa marehemu na watoto wake ili kubaini wazazi wao halisi.

Anataka mwili wa marehemu kuhifadhiwa katika hifadhi ya maiti ya  Lee hadi sampuli za DNA zichukuliwe mbele ya mpasuaji wa maiti aliyeidhinishwa atakayeteuliwa na pande hizo mbili.

  

Latest posts

Mama Taifa ampongeza Jim Nyamu kwa juhudi zake za kuwatunza Ndovu

Tom Mathinji

Kenya yanakili visa 1,335 zaidi vya Covid-19

Tom Mathinji

Nyumba za thamani ya shilingi milioni 10 zabomolewa Kitui

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi