Niliitwa tena na BASATA, Gigy Money

Msanii wa kike wa Tanzania Gigy Money ambaye kwa sasa amefungiwa asijihusishe na kazi yoyote ya sanaa na Baraza la Sanaa la Tanzania ameelezea kwamba mara tu aliporejea Tanzania baada ya kipindi cha Wife Material kukatizwa ghafla aliitwa kwenye afisi za BASATA.

Pale ndipo aligundua kwamba kufungiwa kwake ni ndani na nje ya Tanzania.

Anasema aliamua kusafiri nje kutafuta kazi ili ajipatie riziki nchini Kenya kupitia kipindi hicho cha Eric Omondi ambacho kilisimamishwa.

Also Read
"Siwezi kutafutia Diamond mke!" asema Shilole

Yeye na Eric walikubaliana kwamba wafanye kipindi kikipata wafadhili amlipe lakini hilo halikutimia kwani kipindi kilisimamishwa hata kabla ya kuanza.

Wakati alifungiwa mwanzo wa mwaka huu na kituo cha runinga cha Wasafi nacho kikafungiwa, anasema alikutana na Diamond Platnumz akamwondolea lawama kwamba sio yeye alisababisha runinga yake ifungiwe.

Also Read
Wasafi Tv yafungwa kwa miezi sita

Gigy alibubujikwa na machozi akihojiwa kwa mara ya kwanza tangu kufungiwa akielezea jinsi hawezi kulipa kodi ya nyumba anayoishi na mtoto wake hajaenda shuleni kwani hana hela za kumlipia karo.

Kazi ambazo amekuwa akitegemea za kutangaza biashara za watu imepungua kwani hakuna anayetaka kujihusisha na msanii ambaye amefungiwa.

Also Read
Yul Edochie atofautiana na babake

Alisimulia alivyoumia akiona wasanii wakiomboleza kifo cha Rais Magufuli kwa kutunga na kuimba nyimbo na yeye asiweze.

Alisisitiza kwamba hajawahi kuwa uchi hadharani ingawaje hilo ndilo kosa limesababisha afungiwe kwa miezi sita, adhabu inayostahili kukamilika mwisho wa mwezi wa sita mwaka huu.

Gigy yuko tayari kufanya lolote ili afunguliwe aendeleze sanaa yake ajipatie mapato.

  

Latest posts

Wasanii Wanaowakilisha Kenya AFRIMA

Marion Bosire

Akothee Apata Mgeni wa Heshima Kwenye Hafla Yake

Marion Bosire

KFCB Yazuia Usambazaji Wa Filamu

Marion Bosire

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi