Polisi wanachunguza mauaji ya kikatili ya mwanahabari wa shirika la KBC

Maafisa wa polisi wanachunguza kisa ambapo mfanyikazi mmoja wa shirika la utangazaji nchini KBC, aliuawa kwa kupigwa risasi na majambazi Jumatano usiku.

Betty Barasa ambaye alikuwa mhariri mkuu wa video katika shirika hilo la utangazaji, alipigwa risasi ndani ya nyumba yao muda mfupi baada ya kurejea kutoka kazini.

Majambazi hao ambao inasemekana walikuwa watatu, walimfumania Betty katika lango kuu na kumshurutisha awapeleke ndani nyumba ambapo walishika mateka familia nzima.

Also Read
TSC: Hatujafutilia mbali shughuli ya uajiri wa Walimu

Inadaiwa kuwa Majambazi hao waliitisha pesa kutoka kwa familia hiyo na wakati matakwa yao hayakutimizwa, walianza kuwatesa waathiriwa hao.

Huku jambazi mmoja akiachwa sebuleni na jamaa wengine wa familia hiyo, Majambazi wengine wawili waliandamana na Betty katika chumba chake cha kulala wakitafuta vitu vingine vya dhamani

Also Read
Kenya yaripoti maambukizi mapya 80 ya COVID-19

Haikubainika mara moja kilichotokea katika chumba hicho cha kulala,lakini jamaa wengine wa familia hiyo walisema walisikia milio ya risasi kabla ya Majambazi hao wawili kuondoka na kuacha mwili wa Betty sakafuni ukiwa umeloa damu.

Majambazi hao kisha walichukua tarakilishi na simu moja ya rununu kabla ya kutoroka.

Also Read
Martha Koome kusailiwa na Kamati ya bunge Alhamisi tarehe 13

Tukio hilo la Jumatano jioni limeacha familia ya Betty na huzuni kubwa hasaa baada ya kushuhudia tukio lote.

Majasusi sasa wanajitahidi kukusanya  ushahidi ili kupata chanzo hasaa cha mauaji hayo ya kikatili ya mwanahabari huyo.

Waliomjua wamemwomboleza kama mwanahabari mwenye bidii na aliyejitolea huku kumbukumbu zake zikisalia katika mioyo yao dawamu.

  

Latest posts

Wanasiasa waonywa dhidi ya kuvuruga amani hapa nchini

Tom Mathinji

Watu wawili wafariki baada ya mashua kuzama Homa Bay

Tom Mathinji

Bunge lachunguza nyongeza ya bei za mafuta

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi