Raia nchini Uingereza waanza kupokea chanjo dhidi ya Covid-19

Ajuza wa miaka 90 kutoka Ireland kaskazini ndiye mtu wa kwanza duniani kupokea chanjo ya Pfizer/BioNTech dhidi ya ugonjwa wa Covid-19.

Margaret Keenan kutoka Enniskillen alisema alifurahia sana kupokea chanjo hiyo huku watu nchini Uingereza wakitarajiwa kuanza kupokea chanjo hiyo ya ugonjwa wa Corona.

Also Read
Waziri Fred Matiang'i awaonya polisi wanaokiuka sheria kuwa wataadhibiwa

Takriban taasisi 70 za kimatibabu kote nchini humo zinajitayarisha kuanza kutoa chanjo hiyo ya kampuni ya dawa ya  Pfizer kwa watu wenye umri wa zaidi ya miaka 80 pamoja na baadhi ya maafisa wa kimatibabu.

Mpango huo unalenga kuwalinda wakongwe dhidi ya maambukizi hayo.

Also Read
Maseneta wa Marekani wapitisha mswada wa dola trilioni 1.9 za kukabiliana na athari za korona

Dkt Hari Shukla mwenye umri wa miaka  87 aliyepia babu wa wajuku 11 alisema ana furaha kutekeleza wajibu wake kwa kuchanjwa.

Uingereza itakuwa taifa la kwanza duniani kuanza kutumia chanjo hiyo ya kampuni ya Pfizer baada ya matumizi yake kuidhinishwa wiki jana.

Also Read
Wajumbe wa Marekani kutathmini hali ya usalama nchini Haiti kufuatia mauaji ya Rais Moïse

Watakao toa chanjo hiyo,watakuwa wa kwanza kuchanjwa huko Scotland, huku wahudumu wa afya watakuwa wa kwanza kuchanjwa huko Wales na Ireland kaskazini.

Waziri mkuu Boris Johnson alisema kuzinduliwa kwa shughuli hiyo ya chanjo,ni hatua kubwa kwenye vita dhidi ya Corona nchini humo.

  

Latest posts

Aliyekuwa Rais wa Algeria Abdelaziz Bouteflika azikwa Jijini Algiers

Tom Mathinji

Aliyekuwa Rais wa Algeria Abdelaziz Bouteflika amefariki

Tom Mathinji

Ethiopia yakaribisha wito wa kurejelewa mazungumzo na majirani wake kuhusu bwawa katika mto Nile

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi