Rais azindua rasmi mfumo mpya wa habari kuhusu ardhi

Wakenya sasa watakuwa wakipokea huduma za ardhi popote walipo kufuatia uzinduzi wa mfumo wa kidijitali wa habari kuhusu ardhi.

Akizindua mfumo huo maarufu kama ‘Ardhi Sasa’ leo alasiri, Rais Uhuru Kenyatta amesema huduma za ardhi sasa zitaendeshwa pasi na hofu ya ulaghai.

Mfumo huo mpya unatarajiwa kuimarisha usalama wa rekodi za ardhi, kuongeza kasi ya biashara za ardhi na pia kukomesha ulaghai katika maswala hayo.

Also Read
Rais Kenyatta: Nitahakikisha mpito wa amani

Rais amesema Ardhisasa itasaidia pakubwa kubaini uhalali wa stakabadhi za ardhi kwa wauzaji na wanunuzi, hali ambayo imekuwa chanzo cha wasi wasi miongoni mwa wauzaji na wanunuzi wa ardhi nchini.

Also Read
NCIC kuwa mwangalizi wa uchaguzi mkuu nchini Zambia

Aidha Rais ameusifu mfumo huo kwamba utakuwa chemichemi ya habari sahihi kusaidia Idara za Upelelezi wanaposhughulikia masuala ya ardhi.

Ametoa wito kwa wakenya kutumia mfumo huo wa kiwango cha kimataifa jijini Nairobi kubaini uhalalai wa hati miliki lzao.

Also Read
Afisa msimamizi wa gereza ajitoa uhai baada ya kumuua mwenzake

Mfumo wa Ardhisasa ulitayarishwa na kundi la Wakenya katika muda wa miaka mitatu na ni mradi ulioanzishwa na serikali ya kitaifa kupitia kwa Rais Uhuru Kenyatta.

Mfumo huo wa kuweka shughuli za ardhi kwenye mtandao utazinduliwa kwa awamu katika sehemu nyingine nchini.

  

Latest posts

Chebukati: Hakuna njama ya wizi wa kura

Tom Mathinji

Kamati ya Baraza la Kiswahili kubuniwa hapa nchini

Tom Mathinji

Matiang’i: Serikali haitafunga mtandao wakati wa kipindi cha Uchaguzi Mkuu

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi