Rais Kenyatta aomboleza kifo cha Mbunge wa Juja Francis Munyua Waititu

Rais Uhuru Kenyatta amejiunga na viongozi wengine katika kutuma risala za rambirambi kwa familia jamaa na wakazi wa eneo bunge la Juja kufuatia kifo cha mbunge wao Francis Munyua Waititu.

Kwenye risala yake, Rais Kenyatta amemtaja Waititu ambaye alifahamika kama  ‘Wakapee’, kama kiongozi mkakamavu, mwaminifu na mwenye kujitokea.

Also Read
Rais Kenyatta aomboleza kifo cha Mbunge wa Bonchari John Oyioka

Mbunge huyo alifariki jana jioni katika Hospitali ya MP Shah, Nairobi baada ya kuugua maradhi ya saratani.

Wakapee alichaguliwa kuwa mbunge wa Juja mwaka wa 2013 na baadaye kuhifadhi kiti chake mwaka wa 2017.

Also Read
Rais Kenyatta ajiunga na familia ya Mkurugenzi Mkuu wa NYS Matilda Sakwa katika maombolezo

Amekuwa akiugua saratani ya ubongo kwa muda mrefu na aliwahi kusafiri hadi India kwa ajili ya matibabu.

Mbunge huyo alikuwa ameahidi mradi wa ujenzi wa kituo cha kukabiliana na saratani katika Kaunti ya Kiambu.

Mbunge wa Kiambaa, Paul Koinange kwenye risala yake amemtaja mbunge huyo kama kiongozi aliyewapenda watu ambaye alitangamana vyema na wabunge na pia wananchi.

Also Read
Rais Kenyatta amuomboleza Seneta wa Garissa Yusuf Haji

Koinange ambaye ni mwenyekiti wa kamati ya usalama wa taifa bungeni, amedokeza kuwa Waititu alichangia vyema mijadala na kutangamana vyema na wabunge wenzake.

  

Latest posts

Mama Taifa ampongeza Jim Nyamu kwa juhudi zake za kuwatunza Ndovu

Tom Mathinji

Kenya yanakili visa 1,335 zaidi vya Covid-19

Tom Mathinji

Nyumba za thamani ya shilingi milioni 10 zabomolewa Kitui

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi