Serikali kushirikiana na Kanisa katika utoaji huduma kwa Wakenya

Rais Uhuru Kenyatta amewahakikishia Wakenya kwamba serikali yake itaendelea kushirikiana na kanisa katika kuwahudumia Wakenya.

Rais amesema kwa miaka mingi kanisa limekuwa likishirikiana na serikali katika utekelezaji wa mipango mbali mbali ya kuinua hali ya maisha ya Wakenya, ushirikiano ambao amesema unafaa kuimarishwa zaidi.

“Sio injili pekeake inayoenezwa na kanisa. Kanisa limechanganya uenezaji injili, elimu na afya. Limetibu roho, akili na mwili,” amesema Rais Kenyatta.

Also Read
Raila Odinga: Mimi ni mcha Mungu

Amesema hayo katika kanisa la PCEA la Tumutumu katika Kaunti ya Nyeri, ambako amehudhuria ibada maalumu ya kuadhimisha miaka 100 tangu kutawazwa kwa kundi la kwanza la wazee 43 kanisa.

Also Read
Uhuru Kenyatta: Kenya imepiga hatua katika sekta ya afya tangu Uhuru

Rais amelipongeza kanisa hilo kwa mchango wake mkubwa katika ustawishaji sekta za elimu na afya humu nchini.

Amesema ni kupitia uwekezaji wa kanisa katika taasisi za elimu ambapo waasisi wa nchi hii, miongoni mwao Mzee Jomo Kenyatta walipata fursa ya kuenda shule.

Wakati wa ziara hiyo rais ameahidi mchango wa shillingi milioni 100 kwa kanisa hilo ili kukamilisha kazi inayoendelea ya upanuzi wa Hospitali ya Misheni ya PCEA, Tumutumu.

Also Read
Uhuru: Niko tayari kuitumikia nchi tena baada ya kustaafu

Kadhalika rais ametangaza kwamba serikali ina mipango ya hati kwa Chuo Kikuu cha PCEA kabla ya mwisho wa mwaka huu.

  

Latest posts

Uhaba wa maji wakumba kaunti ndogo ya Lagdera baada ya kukauka kwa vidimbwi

Tom Mathinji

Magoha: Serikali haitabatilisha agizo lake kuhusu utumiaji wa mabasi ya shule.

Tom Mathinji

Kenya yapokea zaidi ya dozi 400,000 za chanjo ya Astrazeneca kutoka Uingereza

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi