Serikali yahimiza umuhimu wa chanjo dhidhi ya polio kwa makundi yanayoisusia

Serikali imeelezea wasi wasi kuwa makundi fulani ya watu hayako tayari kupeleka watoto wao kwa chanjo dhidi ya ugonjwa wa polio.

Waziri wa Afya Mutahi Kagwe amesema makundi hayo yako katika sehemu mbali mbali za nchi ikiwemo Kaunti ya Kitui.

Also Read
Kiwango cha maambukizi ya Covid-19 hapa nchini chapungua hadi asilimia 3.3

Kagwe amekariri kuwa huduma za afya kama vile chanjo ni haki ya watoto. Alisema serikali itachukua hatua mwafaka ikiwemo kutekeleza sheria ya afya ya umma ili kuhakikisha watoto wote na Wakenya wanafurahia haki zao za kimsingi.

Also Read
Kaunti ya Nandi yakatalia mbali mswada wa BBI

Kagwe ameondolea mbali hofu kuhusu usalama wa chanjo hiyo ya kuzuia ugonjwa wa kupooza, akisema chanjo zote za kuzuia ugonjwa huo zimefanyiwa uchunguzi na ziko salama kwa watoto.

Serikali inalenga kuchanja watoto milioni 3.4 dhidi ya ugonjwa wa kupooza kwenye kampeni ya chanjo itakayotekelezwa kuanzia Jumamosi wiki hii hadi Jumatano wiki ijayo.

Also Read
Polisi waagizwa kutekeleza masharti ya kudhibiti Covid-19 kikamilifu

Chanjo hiyo itatolewa katika kaunti za Mandera, Isiolo, Wajir, Garissa, Lamu, Tana River, Kilifi, Mombasa, Kitui, Machakos, Kajiado, Kiambu na Nairobi.

  

Latest posts

Makuzi ya Lugha ya Kiswahili

Tom Mathinji

Serikali yaongeza kafyu ya kuto-toka nje usiku katika kaunti tatu za Rift Valley

Tom Mathinji

Karua asema Muungano wa Azimio utahakikisha uongozi bora

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi