Shakilla asema ana ujauzito wa Eric Omondi!!

Baada ya kushindwa kwenye shindano la “Wife Material” ambalo lilikuwa la kumtafutia mke mchekeshaji Eric Omondi, Shakilla msichana wa vituko vingi amejitokeza na kudai kwamba ana ujauzito wa Eric na mwanawe mtarajiwa hawezi kulelewa mitaani bila baba.

Shakilla ambaye ni maarufu kwenye mtandao wa Instagram anasema mimba hiyo ni ya wiki mbili tu. Swali ni, anajuaje ni mtoto wa kike anatarajia? (Hii ni baada yake kurejelea mwanawe kama “Princess”.)

Also Read
Vituko vya Eric Omondi

Kwenye Instagram, Shakilla alipachika video akimpongeza Carol wa Band Beca kwa kuchaguliwa na wakenya kuwa mke wa Eric Omondi lakini akaendelea kwa kusema kwamba Eric na yeye wanajua kwamba walifungamana milele na hakuna awezaye kuvunja uhusiano huo.

 

View this post on Instagram

 

A post shared by ? RASTABABY ? (@i.am_shakilla)

Hapo ndipo alimwaga mtama kwamba ana ujauzito.

Shakilla amekuwa akijitafutia umaarufu kwa njia zote kwenye mitandao ya kijamii jambo ambalo limesababisha afanye vituko. Wakati mmoja alivua nguo na kucheza akiwa mubashara kwenye Instagram na mwanamuziki Tory Lanez wa Canada.

Also Read
Mchekeshaji Njoro arejea

Wakati mwingine alitiwa mbaroni kwa kuingia kwenye makazi ya mwanamuziki Willy Paul bila mwaliko na Willy akamshtaki kwa polisi.

Baadaye alidai kwamba anamiliki jumba la kifahari na kwamba anaishi maisha mazuri lakini picha zikasambazwa mitandaoni zikimwonyesha akipika ndani ya nyumba ya chumba kimoja almaarufu “bedsitter”.

Also Read
Anderson .Paak atoa onyo

Huku haya yakijiri, mmoja wa wasichana ambao walikuwa kwenye shindano la Wife Material kwa jina “Shilah” kutoka Kitale alijitokeza na kusema kwamba mchekeshaji Eric Omondi hakujamiiana nao na kwamba aliwaheshimu sana.

Lakini video ambazo Eric mwenyewe alizichapisha kwenye Instagram mara kwa mara, zilimwonyesha akibusu wasichana tofauti waliokuwa wakimshindania.

Eric omondi hajajibu madai hayo ya Shakilla.

  

Latest posts

KFCB Yazuia Usambazaji Wa Filamu

Marion Bosire

Eduswagga Azungumzia Safari Yake Ya Muziki

Marion Bosire

Tory Lanez Afuta Instagram Kulikoni?

Marion Bosire

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi