Steve Nyerere akumbuka wema wa Mr. Nice

Jamaa mmoja nchini Tanzania kwa jina Steve Nyerere ambaye ni mchekeshaji amemkumbuka mwanamuziki wa nchi ya Tanzania Mr. Nice kwa mema aliyomtendea.

Kulingana na Nyerere, yeye na wengine walikuwa walinzi wa Mr. Nice wakati alikuwa maarufu sana na muziki ulikuwa ukimlipa vizuri.

Nyerere anakumbuka kwamba yeye na wenzake walikuwa wakipigwa kila mara walipokuwa wakimpeleka mkubwa wao kwenye matukio mbali mbali.

Also Read
Ni sawa tu! Marioo

Anakumbuka wakati mmoja yeye na rafiki yake Ray Kigosi walikuwa na njaa na hawakuwa na la kufanya. Wakahimizana waende nyumbani kwa Mr. Nice kutafuta usaidizi.

Anasema walibisha lango kuu wa muda bila jibu ndiposa wakaamua kuruka ua wa ukuta na kuingia ndani ambapo walimpata Mr. Nice amelala wakamwamsha.

Jambo la kwanza alitaka kujua toka kwao ni jinsi waliingia humo, wakawa wakweli wakasema waliruka ua. Akaita mlinzi kudhibitisha hayo akapata ni kweli.

Also Read
Rais Kenyatta ampongeza Magufuli kwa kuchaguliwa tena kuwa Rais wa Tanzania

Baada ya hapo aliwapa sikio ili kujua kilichowaleta kwake na wakamwambia walikuwa wanahisi njaa na hawakuwa na pesa za kununua chakula.

Hawakuamini macho yao pale ambapo Mr. Nice aliwapa kadi yake ya benki, namba za siri na akawaamrisha wakajitolee milioni moja tu pesa za Tanzania kasha wairudishe.

Also Read
Lulu ajifungua

Steve Nyerere anasema waliimba nyimbo za Mr. Nice mwendo wote na kurudi. Anamshukuru mwanamuziki huyo ambaye sikuhizi anasuasua katika kazi yake ya muziki na kumwombea Baraka kwa mwenyezi Mungu.

Mr. Nice ni mmoja kati ya wanamuziki walioanzisha mtindo wa kizazi kipya nchini Tanzania kwa jina Bongo Fleva.

Anasemekana kupata pesa nyingi wakati huo ambazo wengi wanasema hakuwekeza ila katumia vibaya.

  

Latest posts

Waigizaji Wa Nollywood Wazuru Zanzibar kwa Fungate

Marion Bosire

Betty Kyallo Apata Kazi ya Kuigiza

Marion Bosire

Gurdian Angel Asifia Mpenzi Wake

Marion Bosire

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi