Steve Nyerere akumbuka wema wa Mr. Nice

Jamaa mmoja nchini Tanzania kwa jina Steve Nyerere ambaye ni mchekeshaji amemkumbuka mwanamuziki wa nchi ya Tanzania Mr. Nice kwa mema aliyomtendea.

Kulingana na Nyerere, yeye na wengine walikuwa walinzi wa Mr. Nice wakati alikuwa maarufu sana na muziki ulikuwa ukimlipa vizuri.

Nyerere anakumbuka kwamba yeye na wenzake walikuwa wakipigwa kila mara walipokuwa wakimpeleka mkubwa wao kwenye matukio mbali mbali.

Also Read
Harmonize aomba msamaha

Anakumbuka wakati mmoja yeye na rafiki yake Ray Kigosi walikuwa na njaa na hawakuwa na la kufanya. Wakahimizana waende nyumbani kwa Mr. Nice kutafuta usaidizi.

Anasema walibisha lango kuu wa muda bila jibu ndiposa wakaamua kuruka ua wa ukuta na kuingia ndani ambapo walimpata Mr. Nice amelala wakamwamsha.

Jambo la kwanza alitaka kujua toka kwao ni jinsi waliingia humo, wakawa wakweli wakasema waliruka ua. Akaita mlinzi kudhibitisha hayo akapata ni kweli.

Also Read
Diamond na Davido wahimizwa kushirikiana tena

Baada ya hapo aliwapa sikio ili kujua kilichowaleta kwake na wakamwambia walikuwa wanahisi njaa na hawakuwa na pesa za kununua chakula.

Hawakuamini macho yao pale ambapo Mr. Nice aliwapa kadi yake ya benki, namba za siri na akawaamrisha wakajitolee milioni moja tu pesa za Tanzania kasha wairudishe.

Also Read
Ni sawa tu! Marioo

Steve Nyerere anasema waliimba nyimbo za Mr. Nice mwendo wote na kurudi. Anamshukuru mwanamuziki huyo ambaye sikuhizi anasuasua katika kazi yake ya muziki na kumwombea Baraka kwa mwenyezi Mungu.

Mr. Nice ni mmoja kati ya wanamuziki walioanzisha mtindo wa kizazi kipya nchini Tanzania kwa jina Bongo Fleva.

Anasemekana kupata pesa nyingi wakati huo ambazo wengi wanasema hakuwekeza ila katumia vibaya.

  

Latest posts

Kazi mpya kutoka kwa Ben Pol

Marion Bosire

Ringtone afika mahakamani akiwa kwenye Ambulensi

Marion Bosire

Issa Rae na Louis Diame wafunga ndoa

Marion Bosire

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi