Sukari, Zuchu

Zuchu mwanamuziki anayeangaziwa zaidi katika kampuni ya WCB nchini Tanzania ana kibao kipya kwa jina “Sukari” ambacho alikiachia rasmi kwenye You Tube tarehe 20 mwezi Januari mwaka 2021.

Wimbo huo ulikuwa umesubiriwa kwa hamu na ghamu kutokana na namna alikuwa amefanya matayarisho ya ujio wake kwenye mitandao ya kijamii hasa Instagram.

Alitafuta usaidizi wa watu kadhaa maarufu nchini Tanzania ambao wana umuhimu kwenye jamii kwa jumla ambao walirekodi video fupi kuhusu wasifu wao na mwisho wote wanamalizia kujirejelea kama sukari.

Mamake mzazi ambaye pia ni msanii kwa jina Khadija Omar Kopa ni kati ya waliosaidia kutangaza ujio wa kibao hicho cha Sukari. Kwenye video yake, Khadija anasifia burudani yake ambayo anasema ikosekanapo watu hutaharuki na watu huwa tayari kuigharamia wakati wowote. Onyesho zuri la usaidizi wa mama kwa mwanawe hasa katika kuendeleza talanta.

 

View this post on Instagram

 

A post shared by ZUCHU (@officialzuchu)

Mwingine kati ya watu hao mashuhuri ni muigizaji Wema Sepetu ambaye alisema kwamba urembo wake ndio ulimjengea jukwaa analosimamia kwa sasa tangu mwaka 2006 baada ya kushinda shindano la ulimbwende wakati huo na kutawazwa “Miss Tanzania”.

Also Read
Rais Magufuli aahidiwa kiti cha waziri mkuu
Also Read
Mazishi ya DMX

Aligusia pia kipaji chake cha uigizaji ambacho anasema ni cha hali ya juu zaidi na kwamba yeye ni sukari.

 

View this post on Instagram

 

A post shared by ZUCHU (@officialzuchu)

Kabla ya kuachilia kibao hicho, Zuchu naye alitoa video akisema kwamba anaamini kila mwanadamu ana umuhimu wake katika jamii. Umuhimu huo ndio anafananisha na ladha ya sukari huku akijirejelea kama sukari ya Zanzibar alikozaliwa.

Zuchu alikwenda kuhojiwa katika kituo cha redio cha Wasafi Fm katika kipindi cha jioni kwa jina Mgahawa ambapo alionyesha waliokuwepo jinsi ya kuuchezea wimbo huo.

 

View this post on Instagram

 

A post shared by ZUCHU (@officialzuchu)

Ikumbukwe kwamba alipoingia WCB alimhusisha mkubwa wake Diamond kwenye nyimbo kadhaa ambazo zilisababisha minong’ono kwamba wana uhusiano wa kimapenzi.

Also Read
"Sikununua" asema Gabrielle Union

Walikuwa wakiandamana kwenye maonyesho kadhaa lakini zamu hii Zuchu alikuwa peke yake alipokwenda kuhojiwa. Alisema Diamond alimpa ahadi ya kumshika mkono alipokuwa akianza lakini pia alimwambia kwamba kuna wakati atamwachilia afanye kazi peke yake.

Kama ilivyo mazoea nchini Tanzania, wengi wamerekodi video wakichezea wimbo huo mpya wa Zuchu kwa jina sukari na amechapisha hizo video kwenye akaunti yake ya Instagram.

  

Latest posts

Gurdian Angel Asifia Mpenzi Wake

Marion Bosire

Kibao Kipya cha Ringtone na Rose Muhando

Marion Bosire

Mulamwah Akaribisha Mwanawe

Marion Bosire

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi