Timu mbili zitakazocheza AFCON U 17 mwakani kubainika Jumapili

Mataifa mawili yatakayowakilisha ukanda wa CECAFA  katika mashindano ya  kombe la AFCON kwa chipukizi walio chini ya umri wa miaka 17 yatabainika Jumapili katika wilaya ya Rubavu nchini Rwanda wakati wa kupigwa kwa nusu fainli za CECAFA  katika uwanja wa Umuganda.

Chipukizi wa Uganda ambao ni mabingwa watetezi wa kombe hilo la CECAFA watashuka uwanjani kwa nusu fainali ya kwanza Jumapili adhuhuri dhidi ya Djibouti kabla wa Ethiopia kupambana na Serengeti Boys  ya Tanzania  katika nusu fainali ya pili mida ya alasiri.

Also Read
Makinda wa Uganda wahifadhi kombe la CECAFA U 17 baada ya kuwamenya Tanzania 3-1

Uganda walitinga nusu fainali baada ya kuongoza kundi A  kwa pointi 6 walipoichakaza Kenya magoli 5-0 kabla ya kuiadhibu Ethiopia 3-0 katika mechi ya pili .

Also Read
Benjamin Ayimba ahitaji msaada wa shilingi milioni 2 nukta 2 za matibabu

Upande wao Djibouti walitwaa nafasi ya pili kutoka kundi B kwa kutoka sare dhidi ya wenyeji Rwanda na Tanzania.

Tanzania waliongoza kundi B kwa alama 4 kwa kuipiga Rwanda 3-1 kabla ya kuambulia sare  ya 1-1 na Djibouti huku Ethiopia ikisajili sare ya 2-2 dhidi ya Kenya katika kundi A kabla ya kulazwa 3-0 na Uganda.

Also Read
CECAFA ya vlabu vya akina dada kuingia nusu fainali Jumatatu

Washindi wa nusu fainali watajikatia tiketi kucheza kipute cha Afcon mwezi Juni mwaka ujao nchini Moroko na pia kufuzu kucheza fainali ya kombe la Cecafa kesho Jumanne Ijayo.

 

  

Latest posts

Shujaa kuwinda pointi zaidi Edmonton 7’s

Dismas Otuke

Police Fc washerehekea kurejea ligi kuu baada ya mwongo mmoja kwa dhifa

Dismas Otuke

Sportpesa kurejesha ufadhili michezo nchini Kenya

Dismas Otuke

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi