Tory Lanez ataka aruhusiwe kuzungumzia kesi yake na Megan Thee Stallion

Mwanamuziki wa nchi ya Canada Tory Lanez ameomba mahakama impatie ruhusa ya kuzungumzia matukio yaliyosababisha kesi ambayo inaendelea kortini dhidi yake.

Lanez haelewi jinsi Megan ana uhuru wa kuzungumzia kesi hiyo hata kwenye mitandao ya kijamii huku yeye akibanwa na agizo la mahakama linalomzuia kusema chochote kuhusu kesi hiyo.

Agizo hilo pia linamzuia kuwasiliana na Megan na kumkaribia.

Mwezi Julai mwaka 2020, Megan alipachika picha kwenye mitandao ya kijamii zikionyesha kisigino cha mguu wake kikiwa kimeshonwa na kuelezea kwamba anafurahia kuwa hai baada ya kupigwa risasi.

Also Read
Cicely Tyson ameaga dunia

Anaendelea kuelezea kwamba nia ya aliyemshambulia ilikuwa kumdhuru na kwamba hakutiwa mbaroni Jumapili asubuhi tarehe 12 mwezi Julai mwaka 2020 bali maafisa wa polisi walimpeleka hospitalini ambako alifanyiwa upasuaji kuondoa risasi na kumshona.

Tory Lanez ambaye anasemekana kuwa kwenye uhusiano wa kimapenzi na Megan The Stallion wakati huo alikamatwa siku hiyo hiyo yapata saa kumi asubuhi kwa kosa la kuwa na silaha ambayo alikuwa ameficha kwenye gari na baadaye kuachiliwa huru baada ya kulipa dhamana ya dola elfu 35.

Also Read
Lady Gaga asisimua kwenye uapisho wa Rais Marekani

Wawili hao walikuwa wamehudhuria sherehe nyumbani kwa kylie Jenner ambako mvutano kati ya Megan na Tory ulitokea wakiwa ndani ya gari jumapili asubuhi.

Polisi ambao walikuwa wakishika doria walifika mahali hapo mara moja na wakampeleka Megan hospitalini na kumkamata Tory.

Afisi ya wakili katika wilaya ya Los Angeles ndiyo iliweka kesi hiyo mahakamani na alipofikishwa mahakamani mwezi Novemba mwaka 2020, Tory Lanez alikana mashtaka dhidi yake.

Also Read
Ujauzito wa Amber Rutty waharibika

Megan amekuwa akizungumzia kesi hiyo kwenye mitandao ya kijamii na ndio maana sasa, Tory naye ameomba mahakama imkubalie naye aseme ukweli wake kuhusu kesi hiyo.

Tory Lanez ambaye jina lake halisi ni Daystar Peterson alizindua albamu yake ya tano kwa jina “Daystar” ambayo ametumia kuzungumzia matukio kati yake na Megan yaliyosababisha kesi ambayo inaendelea mahakamani.

  

Latest posts

Betty Bayo Afichua Sura ya Mpenzi Wake

Marion Bosire

Mr. Seed Asimulia Safari Yake ya Muziki

Marion Bosire

Rick Ross Azungumzia Uhusiano Wake na Hamisa Mobeto

Marion Bosire

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi