Ugavana wa Okoth Obado wayumba

Hatma ya Okoth Obado kama gavana wa kaunti ya Migori haibainiki baada ya mkutano wa wajumbe wa chama cha ODM kuazimia kwa kauli moja kwamba aondolewe kwenye wadhifa huo.

Wakiongozwa na mwenyekiti wa chama hicho John Mbadi, wajumbe hao walisema Obado hafai kuendelea kuhudumu kama gavana wa Migori baada ya kushtakiwa Pamoja na wanawe kuhusiana na ufujaji wa pesa za kaunti hiyo.

Also Read
Maafisa watatu wa polisi wajeruhiwa baada ya gari lao kushambuliwa Mandera

Mbadi alisema hoja ya kumuondoa mamlakani gavana Obado iliyopangiwa wiki ijayo imeidhinishwa na kiongozi wa chama hicho Raila Odinga.

Mbadi aliyeandamana na seneta wa kaunti hiyo Ochillo Ayako na viongozi wengine alisema chama cha ODM hakitawavumilia viongozi wafisadi haswa wale wanaoshikilia nyadhifa muhimu.

Also Read
Joho ahimiza Wapwani kuunga mkono BBI

Badi alipuzilia mbali madai kuwa chama hicho kinamyanyasa Obado akisema hakuna gavana mwingine aliyechaguliwa kwa tiketi ya chama hicho aliyeshtakiwa kwa ubadhirifu wa pesa kiasi hicho wala kuagizwa kutofika afisini mwake na mahakama.

Also Read
Hatma ya Mike Sonko sasa imo mikononi mwa bunge la Senate

Hayo yamejiri huku spika wa kaunti hiyo akiandikisha taarifa kwa maafisa wa polisi akidai Maisha yake yamo hatarini kufuatia mpango huo wa hoja ya kumuondoa Obado mamlakani.

  

Latest posts

Visa 394 vipya vya COVID-19 vyanakiliwa hapa nchini

Tom Mathinji

Chris Obure ana kesi ya kujibu kuhusiana na sakata ya Anglo Leasing

Tom Mathinji

Rais Kenyatta atoa wito wa kuongezwa kwa uwekezaji wa Kilimo

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi