Uhuru: Niko tayari kuitumikia nchi tena baada ya kustaafu

Rais Uhuru Kenyatta amesema yuko tayari kuitumikia nchi hii katika wadhifa wowote atakapostaafu urais mwaka wa 2022.

“Sina nia ya kubaki uongozini baada ya kustaafu lakini niko tayari kutumikia nchi katika wadhifa wowote,” amesema Rais.

Kwenye mahojiano na kituo cha redio cha Coro, Rais Kenyatta ameelezea mchakato uliopelekea kuungana na kiongozi wa upinzani Raila Odinga baada ya uchaguzi mkuu wa mwaka wa 2017.

Also Read
Mradi wa Kamba ya Shanga wazinduliwa kuthibiti magonjwa nchini

Akitoa wito kwa jamii ya eneo la Mlima Kenya kuunga mkono mchakato wa BBI, kiongozi wa taifa amesema mpango huo ndio utakaotoa suluhu kwa matatizo ambayo yamekuwa yakijirudia kila baada ya uchaguzi mkuu humu nchini.

“Baada ya kila uchaguzi, hali inabadilika kuwa mashindano ya kikabila. Tunahitaji kubadilisha hali hiyo. Tunahitaji suluhu ambapo kila jamii itajumuishwa,” akasema Rais Kenyatta.

Rais pia amewashtumu baadhi ya wanasiasa wanaopinga ripoti ya BBI, huku akifutilia mbali madai kwamba ripoti hiyo inalenga kuwafungia wanasiasa fulani nje ya kiti cha urais mwaka ujao.

Also Read
Shirika la NMS lafanyia majaribio kituo cha magari cha Green Park

“BBI siyo kwa ajili ya Raila bali ni kwa Wakenya ambao watanufaika. Si silaha ya mwaka 2022 bali ni mbinu ya kuafikia Kenya yenye umoja ambapo hakutakuwa tena na mizozo ya kikabila,” akaongeza.

Aidha, Rais ameonyesha kutoridhishwa na malumbano yanayoendelea kati ya ‘wababe’ na ‘mahasla’, akisema kuwa hali hiyo haisaidii.

Also Read
Maktaba ya kichina kuanzishwa nchini Kenya

Pia ametetea kauli yake ya awali kuhusu mfumo wa urais unaozunguka katika jamii zote nchini, akihoji kwamba mfumo huo utahakikisha kwamba jamii zengine pia zinapata nafasi ya uongozi.

Amesema jamii za Mlima Kenya na Kalenjin ndizo zilizoshikilia kiti cha urais tangu uhuru kupatikana na ni wakati wa kutoa nafasi kwa jamii zengine pia zichukue hatamu.

  

Latest posts

Serikali yatoa chakula cha msaada kwa wanaokabiliwa na njaa nchini

Tom Mathinji

Daktari aliyewaua wanawe wawili kaunti ya Nakuru amefariki

Tom Mathinji

Shule 43,000 kote nchini kuunganishiwa mtandao wa internet

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi