Vikwazo viliyowekewa Sudan vyaondolewa na Marekani

Serikali ya Marekani imeondoa vikwazo vya muda wa miaka 23 vilivyowekewa Sudan baada ya nchi hiyo kutoa hakikisho kwamba haitaunga mkono vitendo vya ugaidi wa kimataifa siku za usoni.

Rais Donald Trump kwenye taarifa alisema hatua hii inajiri baada ya Sudan kulipa fidia ya dolla milioni 325 kwa waathiriwa wa mashambulizi ya kigaidi.

Also Read
Watanzania wafanya maamuzi ya Kura

Vikwazo hivyo vilizuia shughuli zozote kutekelezwa kwa kutumia sarafu ya Marekani.

Hii ilimaanisha kwamba kampuni yoyote ya kibiashara iliyokuwa nchini Marekani haingelifanya biashara na Sudan.

Kutokana na hatua hii, Sudan sasa iko huru kuafikia mikataba ya kibiashara na Marekani na makampuni makubwa ya mataifa ya magharibi tangu mwaka wa 1997 wakati ilipowekewa vikwazo hivyo.

Also Read
Marekani kuanza matumizi ya chanjo dhidi ya COVID-19 Jumatatu

Hatua hii pia inamaanisha kuwa Sudan sasa inaweza kutafuta mikopo kutoka mashirika ya kimataifa ya utoaji mikopo, kuwaalika wawekezaji nchini humo na kununua vipuri vya kukarabati viwanda na ndege zake za kale za shirika lake la kitaifa la ndege.

Also Read
Uganda na Misri zakubaliana kubadilishana habari za kijasusi

Sudan chini ya serikali ya mseto ya waziri mkuu Abdalla Hamdok ililazimika kulegeza msimamo wake ili kuafikia maridhiano na serikali ya Marekani.

  

Latest posts

Aliyekuwa Rais wa Algeria Abdelaziz Bouteflika amefariki

Tom Mathinji

Ethiopia yakaribisha wito wa kurejelewa mazungumzo na majirani wake kuhusu bwawa katika mto Nile

Tom Mathinji

Bwawa katika mto Nile lazidisha uhasama kati ya Ethiopia, Sudan na Misri

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi