Wafanyikazi wa serikali ya kaunti ya Homa Bay wagoma wakidai kucheleweshwa kwa mishahara

Shughuli katika kaunti ya Homa Bay zilitatizwa baada wafanyikazi wa serikali ya kaunti  hiyo kugoma, kulalamikia kucheleweshewa  mishahara yao ya miezi miwili.

Huku wakiandamana nje ya afisi za Gavana wa kaunti hiyo Cyprian Awiti, watumishi hao wa umma walisema hawatarejea kazini hadi mishahara yao ya miezi ya Aprili na Mei itakapolipwa.

Also Read
Polisi wa trafiki wanasa magari mabovu ya uchukuzi wa umma kaunti ya Machakos

Katibu wa chama cha wafanyikazi wa serikali za kaunti tawi la Homa Bay  Meshack Onyango, alisema serikali ya kaunti ya Homa Bay ilikiuka makubaliano yaliyowekwa hapo awali kuhusiana na malipo ya mishahara.

“Tutaendelea kukusanyika hapa katika afisi za Gavana hadi mishahara hiyo ya miezi miwili itakapolipwa. Makubaliano yoyote kuhusu ulipaji mishahara hadi sasa hayajaafikiwa,” alilalamika Onyango.

Also Read
Mwanaume auawa kwa kudungwa kisu Homa Bay kufuatia ugomvi wa shilingi 50

Katibu wa chama cha watumishi wa umma tawi la Homa Bay Tom Mboya Aketch, alisema hawatarejea kazini hadi walipwe mishahara yao.

“Hatutarejea kazini hadi tulipwe mishahara yetu iliyocheleweshwa. Wanapaswa kuwasiliana na maafisa chama chetu ili kutia saini mkataba wa kurejea kazini,” alifoka Aketch.

Also Read
Wakenya wahimizwa kujibu arafa za kuchukua kadi ya huduma namba

Mkataba wa kurejea kazini uliotiwa saini mwaka 2021 na chama hicho cha wafanyikazi na serikali ya kaunti ya Homa Bay, ulidokeza kuwa mishahara ya wafanyikazi italipwa tarehe nane  ya kila mwezi, lakini kulingana na wafanyikazi hao, serikali ya kaunti ya Homa Bay imezembea kutekeleza hayo.

  

Latest posts

Ajali ya kwanza yatokea katika barabara ya Expressway

Tom Mathinji

Rais Kenyatta akamilisha kongamano la Jumuiya ya Madola Rwanda

Tom Mathinji

Waziri Matiang’i: Tutakabiliana vilivyo na makundi ya Majambazi

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi