Washindi wa tuzo za SOYA kupokea zawadi ya pesa

Makala ya 18 ya tuzo za kila mwaka za Soya  yamepigwa jeki ,  baada ya kupokea udhamini   wa shilingi milioni 4 mapema Alhamisi, huku hafla ya mwaka huu ikipangwa  kuandaliwa  tarehe 25 mwezi huu katika uwanja wa Bukhungu kaunti ya Kakamega.

Hazina ya malipo ya uzeeni NSSF imefadhili tuzo za mwaka huu kwa kima cha shilingi milioni 2 ,wakati   kampuni ya Lotto ikitoa shilingi milioni 1 unusu nayo Safaricom ikaongezea nusu milioni.

Also Read
Alaaa! Atwoli adai Afisa Mkuu wa Safaricom Peter Ndegwa ni hatari
Bingwa wa Olimpiki Wilfred Bungei akihutubia kikao cha SOYA

Mwenyekiti wa jopo la uteuzi  wa washindi ,Chris Mbaisi amefichua kuwa matayarisho yamekamilika kwa hafla ya mwaka  huu,ambapo kinyume na mwaka jana kutakuwa na zawadi ya pesa kwa washindi.

“Kama jopo tunapanga kutoa orodha ya wanamichezo watatu bora wa mwisho katika kila kitengo wiki ijayo na kila kitu kiko sawa kulingana na mpangilio,kinyume na mwaka jana ,mwaka  huu   kutakuwa na  zawadi ya pesa kwa washindi wa  kila  kitengo”akasema Mbaisi

Also Read
Wahudumu wa boda boda watakiwa kuzingatia sheria za barabarani kikamilifu
Mwenyekiti wa jopo la uteuzi wa washindi Chris Mbaisi

Vitengo vitakavyoshindaniwa katika tuzo za mwaka huu ni pamoja na timu bora ya mwaka kwa wanaume na wanawake,mchezaji chipukizi bora  wa mwaka kwa wanaume na wanawake,mchezaji bora wa mwaka kwa walemavu kwa wanaume na wanawake,mchezaji bora wa mwaka kwa wanaume na wanawake na pia mchezaji bora  wa mwaka kwa jumla.

Also Read
Viongozi waliokuwa afisini wahifadhi viti vyao uchaguzi wa NOCK
Washindi wa Soya mwaka uliopita

Tuzo za Soya zilianzishwa miaka 18 iliyopita na aliyekuwa bingwa mara tano wa dunia katika mbio nyika ambaye pia ni Rais wa kamati ya Olimpiki NOCK  Paul Tergat , kwa lengo la kuwatambua na kuwatuza wanamichezo wanaotia fora kila mwaka.

 

  

Latest posts

Uchaguzi wa Ugavana kaunti ya Mombasa na Kakamega umeahirishwa

Tom Mathinji

Ruto: Nitawahudumia Wakenya wote kwa usawa

Tom Mathinji

Azimio waafikiana kuwasilisha kesi katika mahakama ya upeo kupinga matokeo ya kura za Urais

Dismas Otuke

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi