Watu 129 zaidi waambukizwa Covid-19 hapa nchini

Kiwango cha maambukizi ya virusi vya Covid-19 hapa nchini kimeshuka hadi asilimia 2.5 baada ya watu wengine 129 kuambukizwa virusi hivyo.

Idadi hiyo ya Jumamosi ilinakiliwa baada ya kupimwa kwa sampuli 5,091 katika muda wa saa 24 zilizopita.

Idadi jumla ya maambukizi ya virusi vya Covid-19 hapa nchini sasa ni 99,898.

Kati ya visa hivyo vipya 108 ni wakenya ilhali 21 wakiwa raia wa kigeni huku 79 wakiwa wa kiume na 50 wa kike.

Also Read
EACC yafanya msako wa ghafla katika afisi za KEMSA

Mwathiriwa mchanga zaidi ni mtoto wa umri wa miezi mitatu na yule mkongwe zaidi ana umri wa miaka 83.

Kulingana na taarifa ya wizara ya afya, wagonjwa 70 wamepona virusi hivyo hatari ambapo 44 wameruhusiwa kuondoka kutoka vituo mbali mbali vya afya na 26 kutoka mpango wa kuwatunza wagonjwa wa corona nyumbani.

Also Read
Wagonjwa 17 wafariki kutokana na COVID-19 huku visa vipya 1,225 vikiripotiwa

Kaunti ya Nairobi iliongoza katika maambukizi ya visa vipya  huku ikinakili visa 81. Kaunti za Kiambu na Mombasa zilifuata kwa visa 8 kila moja.

Nakuru iliandikisha visa 5 huku Kilifi na Kajiado zikiwa na visa 4 kila moja.

Uasin Gishu na Kitui zilinakili visa 3 kila moja, Turkana 2 nazo Homabay, Kisii, Machakos na Meru zikiandikisha kisa kimoja kila moja.

Also Read
Visa 1,041 vipya vya Covid-19 vyanakiliwa hapa nchini

Jumla ya wagonjwa  541 wa COVID-19 wamelazwa katika vituo mbli mbali za afya kote nchini huku 1,564 wakitunzwa nyumbani.

Wagonjwa 27 wamelazwa katika chumba cha wagonjwa mahututi ambapo 16 wanatumia vipumulio na wengi 10 wanapokea hewa ya oxygen ya ziada.

Jambo la kutia moyo ni kwamba hakuna kifo kimeripotiwa kutokana na Covid-19 hapa nchini katika muda wa saa 24 zilizopita.

  

Latest posts

Serikali yatoa chakula cha msaada kwa wanaokabiliwa na njaa nchini

Tom Mathinji

Daktari aliyewaua wanawe wawili kaunti ya Nakuru amefariki

Tom Mathinji

Shule 43,000 kote nchini kuunganishiwa mtandao wa internet

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi