Watu 23 zaidi waambukizwa Covid-19 hapa nchini

Kenya imenakili visa  23 vipya vya Covid-19 baada ya kupimwa kwa sampuli 2,646 katika muda wa saa 24 zilizopita. Kiwango cha maambukizi ya Covid-19 hapa nchini sasa ni cha asilimia 0.9

Idadi jumla ya visa vilivyothibitishwa hapa nchini sasa ni  323,975 kutoka kwa Idadi ya sampuli 3,628,019 zilizochunguzwa tangu mwezi Machi mwaka 2020.

Kati ya visa hivyo vipya, watu 17 ni raia wa Kenya na sita ni raia wa kigeni, huku 11 wakiwa wa kiume na12 wa kike.

Also Read
Watu 1,020 zaidi wathibitishwa kuambukizwa Covid-19 hapa nchini

Mwathiriwa mchanga zaidi ana umri wa miaka 15 na mkongwe zaidi ana umri wa miaka 58.

Wagonjwa wanne wamepona ugonjwa huo hapa nchini wote kutoka mpango wa kuwatunza wagonjwa nyumbani. Idadi hiyo inafikisha Idadi jumla ya waliopona Covid-19 hapa nchini kuwa  318,120.

Also Read
Junet aomba msamaha kwa kumdhalilisha Seneta Mwaura kwa misingi ya ulemavu

Hakuna mgonjwa ambaye amefariki kutokana na Covid-19 hapa nchini katika muda wa saa 24 zilizopita, huku Idadi ya maafa ikisalia kuwa 5,649.

Kulingana na waziri wa afya Mutahi Kagwe, jumla ya wagonjwa sita wamelazwa katika hospitali mbali mbali kote nchini, huku wengine 200 wakiuguzwa wakiwa nyumbani.

Hakuna mgonjwa aliyelazwa katika chumba cha wagonjwa mahututi ICU, lakini wagonjwa wawili wanapokea hewa ya ziada ya Oxygen wakiwa katika wodi za kawaida.

Also Read
Visa 506 vipya vya Covid-19 vyathibitishwa hapa nchini

Jumla ya watu  17,992,422 wamechanjwa dhidi ya Covid-19 kote nchini. Kati ya Idadi hiyo, watu 16,346,555 Wana umri wa miaka 18 na zaidi.

Vijana 1,296,562 walio na umri wa kati ya miaka 15 hadi 17, wamechanjwa dhidi ya Covid-19 hapa nchini.

  

Latest posts

Wahasibu watakiwa kufichua ufisadi bila uwoga

Tom Mathinji

Waakilishi wa Kenya ,Prisons na KCB wasajili ushindi wa pili mashindano Afrika kwa Voliboli ya vidosho

Dismas Otuke

Wafanyikazi wa serikali ya kaunti ya Homa Bay wagoma wakidai kucheleweshwa kwa mishahara

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi