Watu 866 waambukizwa COVID 19

Watu 866 wamepatikana kuwa na virusi vya corona na kuzidisha idadi ya maambukizi nchini na kuwa jumla ya watu  87,249.

Kwenye taarifa, waziri wa afya  Mutahi Kagwe, alisema kuwa idadi hii ilipatikana baada ya kupimwa kwa sampuli 7,815 katika muda wa saa  24 zilizopita.

Also Read
Serikali kutumia mfumo Chanjo System kuwachanja watu wengi dhidi ya COVID-19

Kaunti ya Nairobi ilizidi kuongoza kwa jumla ya maambukizi mapya 273 huku ikifuatwa na kaunti za Mombasa iliyokuwa na visa  78, kaunti ya Nakuru iliyokuwa na visa 73, kaunti ya Kiambu kwa visa 55, Kirinyaga visa  49, Nyamira visa  35, Kisumu visa 27 huku kaunti za Kilifi na  Kajiado zikinakili visa  23 kila mmoja.  Wagonjwa 1,194 wamelazwa katika hospitali mbalimbali nchini huku wengine  7,984 wakitibiwa nyumbani.

Also Read
Watu 57 wahukumiwa kuhudumia jamii kwa kukiuka masharti ya kudhibiti Covid-19

Idadi ya wagonjwa walio katika chumba cha wagonjwa mahututi imeongezeka hadi wagonjwa  77 huku wale walio katika kituo cha  High Dependency Unit wakiwa kumi.

Also Read
Hospitali za Uingereza huenda zikalemewa na idadi ya juu ya visa vya Covid-19

Wagonjwa sita zaidi waliaga dunia na kufikisha idadi jumla ya waliofariki kuwa 1,506.

Kinyume na jana wakati taifa hili liliposhuhudia kupona kwa zaidi ya wagonjwa elfu 11, wagonjwa waliopona katika saa 24 zilizopita walikuwa 322.

Idadi jumla ya wagonjwa waliopata nafuu  nchini ni  68,110.

  

Latest posts

Mwanafunzi ateketeza bweni kukwepa kufanya mitihani Tharaka Nithi

Tom Mathinji

Mahakama yamzuia Mohammed Badi kuhudhuria mikutano ya Baraza la Mawaziri

Tom Mathinji

IEBC yalenga kuwasajili wapiga kura wapya milioni sita kabla Uchaguzi Mkuu ujao

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi