Wazito Fc yawafurusha wakufunzi wote siku 10 kabla ya kuanza kwa ligi kuu

Kocha wa kilabu cha Wazito FcC Boniface Ambani na wazaidizi wake Salim Babu na  mkufunzi wa walinda lango  Elias Otieno wamepigwa kalamu na usimamizi wa timu hiyo Jumatatu jioni bila sababu kutolewa.

Yamkini Ambani ambaye ni mchezaji wa zamani wa AFC Leopards hakufurahishwa na mambo yanavyoendeshwa kilabuni ikiwemo usajili wachezaji bila kuhusishwa.

Also Read
WRC Safari Rally kuanza Alhamisi baada ya subira ya miaka 19

Mfarakano  kati ya Ambani ,wasaidizi wake wa ukufunzi na usimamizi wa timu ulionekana wazi wakati wa kipigo cha Wazito cha mabao 2-1  na Zoo Fc katika kaunti ya Kericho.

Makocha  wa  timu  ya   Wazito  Fc

Ambani aliisaidia timu hiyo kupandishwa ngazi kucheza ligi kuu mwaka 2018 kabla ya kutimuliwa ambapo Melo Medis  kutoka Misri alipokezwa jukumu hilo na kisha akatimuliwa huku pia wakufunzi Stanley Okumbi,Frank Ouna,Mwingereza Stewart Hall na kisha akarejea Ambani wote hao wakiwa wamefurushwa  katika kipindi cha misimu miwili timu hiyo ikiwa katika ligi kuu.

Also Read
Posta Rangers wanyakua tuzo za mwezi Machi za ligi kuu FKF
Kikosi cha Wazito FC

Pia wazito timu hiyo imekuwa ikiwasajili na kuwatema wachezaji   huku wakisajili wanandinga 15 na kuwapiga kalamu 14 katika uhamisho uliofungwa Novemba 6 mwaka huu.

Also Read
Aprot na Chespol kuongoza mbio za nyika za Magereza Jumamosi

Wazito FC  iliwatimua makocha hao Jumatatu zikisalia akriban siku 10 kabla ya kuanza kwa msimu wa mwaka 2020/2021 wa ligi kuu.

 

 

  

Latest posts

Timu ya taifa ya raga yanoa makali kabla ya michuano ya Jumuiya ya Madola

Tom Mathinji

Mchezaji Sopu Ajiunga na Azam FC

Marion Bosire

Morans yang’olewa kwa mechi za kufuzu kwa kombe la dunia

Tom Mathinji

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi