Wema Sepetu bado anatafuta mbwa wake

Muigizaji huyo wa nchi ya Tanzania ambaye wakati mmoja aliibuka mshindi katika shindano la ulimbwende nchini humo alitangaza kwa mara ya kwanza kuhusu kupotea kwa mbwa wake ambaye amempa jina la “Vanilla Manunu” siku nne zilizopita.

Hata aliweka zawadi ya shilingi milioni moja pesa za Tanzania kwa yeyote ambaye angempata mbwa huyo na kumrejeshea. Baadaye aliongeza zawadi hiyo hadi milioni mbili.

Wengi walikanganyika na picha aliyoipachika Wema kwenye akaunti yake ya Instagram akiwa amembeba mbwa huyo wakidhani keshampata na sasa amelazimika kufafanua kwamba hajampata na hiyo picha ni ya kitambo.

Also Read
DNG agadhabishwa na ahadi ya Ezekiel Mutua kwa Embarambamba

Ilibidi pia mwanadada huyo aelezee alivyopotea mbwa wake na aliandika haya kwenye akaunti yake ya Instagram;

“Mimi naishi karibu na Kigamboni na kila siku gari ya Production huja mpaka nyumbani na kunichukua kwa ajili ya Kwenda Location… Juzi ilivyokuja nikawa sijaingia kwenye gari cause nilikuwa sina Scenes za kushoot so I told the driver aende tu kuwapitia watu wengine Kambini…. So kilichotokea since Vanilla ameshazoea naendaga nae location without her knowing gate lilivyofunguliwa kuruhusu gari litoke, mbwa nae akaanza kufata gari, kaikimbiza na mpaka sasa sijui bado kama aliikimbiza mpaka wapi, ni majirani tu ndo wamesema kuwa alikuwa anakimbiza gari…. So thats the story… Sijui bado kama mbwa wangu yupo hai au amekufa…”

Also Read
Kanye West atoa viatu vyake kwa nyumba ya Kim Kardashian
Also Read
Othuol Othuol aaga dunia

Kuhusu wanaosema anamtafutia umaarufu mbwa wake, Wema alijitetea akisema mbwa huyo tayari ni maarufu kwani ana ufuasi wa elfu 15 tayari kwenye akaunti yake ya Instagram.

Wema Sepetu ambaye aliwahi kuwa mpenzi wa Diamond Platnumz, husema kwamba amejaribu mara nyingi kupata mtoto bila mafanikio, humrejelea mbwa wake kama mtoto wake.

  

Latest posts

Rayvanny Kumtambulisha Msanii wa Kwanza NLM

Marion Bosire

Dulla Makabila Ajiondolea Lawama

Marion Bosire

Mwigizaji Atoa Ilani Kwa Rais Museveni

Marion Bosire

Tovuti hii inatumia kuki kukuhudumia vyema. Tafadhali kubali kupokea. Kubali Fahamu Zaidi